കോതമംഗലം: ഉമ്മൻചാണ്ടിയുടെ ജനസേവന മാതൃക പിന്തുടർന്ന് ചെറുവട്ടൂർ കോൺഗ്രസ് മണ്ഡലം കമ്മറ്റിയുടെ കീഴിൽ പാലിയേറ്റീവ് കെയർ പദ്ധതി ആരംഭിക്കാൻ തീരുമാനിച്ചു.കോൺഗ്രസ് ചെറുവട്ടൂർ മണ്ഡലം കമ്മിറ്റിയുടെ നേതൃത്വത്തിൽ നടത്തിയ ഉമ്മൻചാണ്ടിയുടെ മൂന്നാം ചരമവാർഷിക അനുസ്മരണത്തിലാണ് പ്രഖ്യാപനം. പൊതുജനങ്ങൾക്ക് കരുതലും സേവനവും ഉറപ്പാക്കുന്ന സംരംഭം ഉടൻ യാഥാർഥ്യമാക്കുന്നതിന് ഉള്ള നടപടികൾ സ്വീകരിക്കുമെന്നും മണ്ഡലം കമ്മിറ്റി അറിയിച്ചു.
സമ്മേളനം ചെറുവട്ടൂർ കവലയിൽ ഡി.സി.സി ജനറൽ സെക്രട്ടറി അബു മൊയ്തീൻ ഉദ്ഘാടനം ചെയ്തു. മണ്ഡലം പ്രസിഡന്റ് നാസർ വട്ടേക്കാടൻ അധ്യക്ഷത വഹിച്ചു.
ജില്ലാ പഞ്ചായത്ത് മെമ്പർ പി.എ.എം. ബഷീർ, ബ്ലോക്ക് പഞ്ചായത്ത് അംഗം വൃന്ദ മനോജ്, പഞ്ചായത്ത് മെമ്പർമാരായ അജീബ് ഇരമല്ലൂർ, അധീന ജബ്ബാർ എന്നിവർ പ്രസംഗിച്ചു.
