കോതമംഗലം: മോഷണശ്രമത്തിനിടയില് വീട്ടമ്മയോട് അതിക്രമം കാണിച്ചയാള് പിടിയില്. കോതമംഗലം നെല്ലിക്കുഴി ചിരട്ടക്കുടി എബിന് ടോമി (27)യെയാണ് പെരുമ്പാവൂര് പോലീസ് അറസ്റ്റ് ചെയ്തത്. കഴിഞ്ഞ ദിവസം വൈകിട്ട് കാരാട്ടുപള്ളിക്കരയിലാണ് കേസിനാസ്പതമായ സംഭവം. വീട്ടില് ആരും ഇല്ലാതിരുന്ന സമയത്ത് വീട്ടില്ക്കയറി അലമാരയുടെ താഴ് കുത്തിതുറന്ന് പ്രതി മോഷ്ടിക്കാന് ശ്രമിക്കുകയായിരുന്നു. വീട്ടമ്മ വീട്ടിലെത്തിയപ്പോള് ഒളിച്ചിരിക്കുകയായിരുന്ന ഇയാള് വീട്ടമ്മയോട് അതിക്രമം കാണിക്കുകയായിരുന്നു.
വാഴക്കുളം സ്റ്റേഷന് പരിധിയില് നിന്ന് മോഷ്ടിച്ചെടുത്ത ഇരുചക്രവാഹനത്തിലാണ് മോഷ്ടാവ് എത്തിയത്. തുടര്ന്ന് നടത്തിയ ശാസ്ത്രീയ അന്വേഷണത്തിലാണ് പ്രതി പിടിയിലായത്. പെരുമ്പാവൂര്, കോടനാട്, കുറുപ്പംപടി, കോതമംഗലം, വാഴക്കുളം, പൂവ്വാര് മുട്ടം, ആലപ്പുഴ നോര്ത്ത്, തുടങ്ങിയ സ്റ്റേഷനുകളില് പത്തിലേറെ കേസുകളില് ഉള്പ്പെട്ടയാളാണ്. എസ്ഐമാരായ അസരിഫ് ഷഫീഖ്, ജോജോ ജോര്ജ്ജ് , എഎസഐ എം.ബി സുബൈര്, സീനിയര് സിപിഒമാരായ ഷിജോ പോള്, രജിത് രാജന്, സിപിഒമാരായ എ.കെ നജ്മി, ടി.കെ സന്ധ്യ, പി.കെ ഹാരിസ് എന്നിവരാണ് അന്വേഷണ സംഘത്തില് ഉണ്ടായിരുന്നത്.
