കോതമംഗലം : എറണാകുളം ജില്ല ഒളിമ്പിക് അസോസിയേഷന്റെ ആഭിമുഖ്യത്തിൽ കോതമംഗലം സെന്റ് ജോർജ് ഹയർ സെക്കൻഡറി സ്കൂളുമായി സഹകരിച്ച് 2036 ൽ വരുന്ന ഒളിമ്പിക്സ് ഇന്ത്യയിൽ വരുമെന്ന പ്രതീക്ഷയോട് ഐക്യദാർഢ്യം പ്രഖ്യാപിച്ച് നടത്തുന്ന ഒളിമ്പിക് ഫോറസ്റ്റ് ക്യാമ്പയിന്റെ ഭാഗമായി 2036 വൃക്ഷ തൈകൾ നടുന്നതിൻ്റെ ഭാഗമായി സ്കൂൾ ക്യാമ്പസിൽ നടീൽ ഉത്സവം സംഘടിപ്പിച്ചു.
സ്കൂൾ മാനേജർ ഫാ. ഡോ. മാത്യു കൊച്ചുപുരക്കൽ അധ്യക്ഷത വഹിച്ചു. കോതമംഗലം ഫ്ലയിങ് സ്ക്വാഡ് ഡിവിഷൻ ഫോറസ്റ്റ് ഓഫീസർ എസ്. മണി വൃക്ഷത്തൈ നട്ട് ഉദ്ഘാടനം നിർവഹിച്ചു. സ്കൂൾ പ്രധാന അധ്യാപകൻ ഫാ. ആന്റണി പുലിമലയിൽ, ജില്ലാ ഒളിമ്പിക് അസോസിയേഷൻ ജനറൽ സെക്രട്ടറി ജോയി പോൾ,പി. എ അർച്ചിത, സ്കൂൾ സ്റ്റാഫ് അംഗങ്ങളായ റിനി സെബാസ്റ്റ്യൻ, മഞ്ജു ജോസഫ്, ട്രീസാ ജോസ്, സുമി ജേക്കബ്, തുഷാര ജേക്കബ്, എലിസബത്ത് മരിയ റോയ്,പി . ജെ തോമസ് , സ്കൂൾ കായിക അധ്യാപകൻ പ്രതീഷ് ഫ്രാൻസിസ് എന്നിവർ നേതൃത്വം നൽകി.
