എറണാകുളം: ജില്ലയിലെ ഐക്കരനാട് , തിരുവാണിയൂർ, കോട്ടപ്പടി , കുട്ടമ്പുഴ , എടക്കാട്ടുവയൽ, ആമ്പല്ലൂർ , മണീട് , മുളന്തുരുത്തി, കാലടി മലയാറ്റൂർ ,ആലങ്ങാട്, പാലക്കുഴ ചേരാനല്ലൂർ പഞ്ചായത്തുകളിലും കളമശ്ശേരി, മരട് , പെരുമ്പാവൂർ, പറവൂർ, തൃക്കാക്കര മുനിസിപ്പാലിറ്റികളിലും കൊച്ചി കോർപ്പറേഷനുകളിലും എസ് സി പ്രൊമോട്ടർമാരുടെ ഒഴിവുകളിലേക്ക് അപേക്ഷ ക്ഷണിച്ചു. ഡിസംബർ മൂന്നിന് അഭിമുഖം നടത്തും.
തദ്ദേശസ്വയംഭരണ സ്ഥാപനങ്ങളിൽ സ്ഥിരതാമസക്കാരായ പ്ലസ് ടു അഥവാ തുല്യ വിദ്യാഭ്യാസ യോഗ്യതയുള്ള 18നും 40നും മധ്യേ പ്രായമുള്ള പട്ടികജാതി വിഭാഗക്കാർക്കും എസ്എസ്എൽസി യോഗ്യതയുള്ള 40നും 50നും മധ്യേ പ്രായമുള്ള സാമൂഹ്യ പ്രവർത്തകരായ പട്ടികജാതി വിഭാഗക്കാർക്കും നിശ്ചിത മാതൃകയിലുള്ള അപേക്ഷ ഫോറത്തിൽ യോഗ്യതാ സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകൾ സഹിതം അപേക്ഷിക്കാം.
അപേക്ഷാ ഫോറത്തിനും വിശദ വിവരങ്ങൾക്കും ജില്ലാ പട്ടികജാതി വികസന ഓഫീസിലോ അതാത് ബ്ലോക്ക് പട്ടികജാതി വികസന ഓഫീസുകളിലോ ബന്ധപ്പെടണം. ഫോൺ : 0484 2422256.
