കോതമംഗലം: പിടവൂര് മൈലാടുംപാറയിലെ ക്വാറിയില് കംപ്രസര് വാഹനം മറിഞ്ഞുണ്ടായ അപകടത്തില് തൊഴിലാളി മരിച്ചു. മീരാന് സിറ്റി നറുക്കിയില് ബെന്നി ആണ് മരിച്ചത്. വ്യാഴാഴ്ച രാവിലെ ക്വാറിയിലെത്തിയ ബെന്നി ജോലി ചെയ്യുന്നതിനിടെയാണ് അപകടം ഉണ്ടായത്.
ക്വാറിയിലേക്ക് കംപ്രസര് മറിഞ്ഞുവീണതിനെ തുടര്ന്ന് ഗുരുതരമായി പരിക്കേറ്റ ബെന്നിയെ ഉടന് രക്ഷപ്പെടുത്തി ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
മൃതദേഹം കോതമംഗലം താലൂക്ക് ആശുപത്രിയിലേക്ക് മാറ്റി. വിവരം അറിഞ്ഞെത്തിയ പോത്താനിക്കാട് പോലീസ് സ്ഥലത്തെത്തി മേല്നടപടികള് സ്വീകരിച്ചു. അപകടത്തിന്റെ കൂടുതല് വിവരങ്ങള് പോലീസ് അന്വേഷിച്ചുവരികയാണ്.
