പല്ലാരിമംഗലം: വെൽഡിംഗ് ജോലിക്കിടെ യുവാവ് ഷോക്കേറ്റ് മരിച്ചു. പല്ലാരിമംഗലം
കൂറ്റംവേലി പുത്തൻപുരയ്ക്കൽ അലിയാരിന്റെ മകൻ പി എ റമീസ് (29) ആണ് മരിച്ചത്.
തൊടുപുഴ മണക്കാട് പുതുപ്പരിയാരത്ത് സ്വകാര്യ സ്ഥാപനത്തിൽ വെൽഡിംഗ് ജോലിക്കിടെ ചൊവ്വാഴ്ച ഉച്ചക്ക് 2.30 ഓടെയാണ് സംഭവം. കൂടെ ജോലി ചെയ്തിരുന്നവർ ഉടൻ തൊടുപുഴയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു. മൃതദേഹം തൊടുപുഴ കാരിക്കോട് ആശുപത്രി മോർച്ചറിയിൽ.
ഒരു വർഷമായി വാളാച്ചിറ – മണിക്കിണർ ഭാഗത്ത്‌ വാടകക്ക് താമസിച്ചു വരികയായിരുന്നു.
മാതാവ്: സലീമ. ഭാര്യ: ജാസ്മിൻ. റസീൻ (നാല്) വയസുള്ള ഒരു മകൻ ഉണ്ട്. ഖബറടക്കം ബുധനാഴ്ച (21-4-2021)ന് പോസ്റ്റ്മോർട്ടത്തിനു ശേഷം കൂറ്റംവേലി ജുമാ മസ്ജിദ് ഖബർസ്ഥാനിൽ.
