കോതമംഗലം: ടിപ്പർ ലോറി മോഷണം നാലുപേരെ കോതമംഗലം പൊലീസ് അറസ്റ്റ് ചെയ്തു.
ഇടുക്കി കഞ്ഞിക്കുഴി കമ്മത്തുകുടിയിൽ വീട്ടിൽ അനസിൻ്റെ ഉടമസ്ഥതയിലുള്ള
കെ എൽ 40-7002 നമ്പർ ടിപ്പർ ലോറിയാണ്
ചെറുവട്ടൂർ ഹൈസ്കൂളിൻ്റെ മുന്നിൽ നിന്നും മോഷണം പോയത്. ഒന്നാം പ്രതി ചെമ്പറക്കി വാഴക്കുളം അമ്പലത്ത് വീട്ടിൽ ഹാരിസ് (37), രണ്ടാം പ്രതി
ആലുവ എടത്തല മുണ്ടപ്പാടം വീട്ടിൽ ജിതിൻ (33) ‘
മൂന്നാം പ്രതി ഒറ്റപ്പാലം പൂവത്തിങ്കൽ വീട്ടിൽ
അബു താഹിർ (22), നാലാം പ്രതി ഒറ്റപ്പാലം പാലക്കപ്പറമ്പിൽ വീട് കാജാ ഹുസൈൻ (33) എന്നിവരെയാണ് കോതമംഗലം എസ് എച്ച് ഒ പി ടി ബിജോയി ,എസ് ഐമാരായ ആൽബിൻ സണ്ണി , കെ എസ് ഹരിപ്രസാദ് ,എഎസ് ഐ മാരായ കെ എം സലീം , ടി എം ഇബ്രാഹിം എന്നിവർ അറസ്റ്റ് ചെയ്തത്.
സമീപത്തുള്ള സിസിടിവി ദൃശ്യം പരിശോധിച്ചതിനെ തുടർന്നാണ് പ്രതികൾ കുടുങ്ങിയത് . നാലു ലക്ഷം രൂപ വിലയുള്ള ലോറി പ്രതികൾ ഒരു ലക്ഷം രൂപക്ക് തഞ്ചവൂരിൽ വില്പന നടത്തിയതായും, ഉടൻ കസ്റ്റഡിയിലെടുക്കുമെന്ന് പൊലിസ് പറഞ്ഞു.
