കോതമംഗലം: കോതമംഗലം നിയോജകമണ്ഡലത്തിലെ നാല് പ്രധാന റോഡുകൾ ബി.എം.ബി.സി നിലവാരത്തിൽ നവീകരിക്കുന്നതിന് 9.50 കോടി രൂപയുടെ ഭരണാനുമതി ലഭിച്ചതായി ഷിബു തെക്കുംപുറം എംഎൽഎ.
സംസ്ഥാന ബജറ്റ് പ്രൊപ്പോസലുകളിൽ ഉൾപ്പെട്ടവയാണ് ഇവ. ചേലാട് ഇരപ്പുങ്കൽ മുതൽ ചെമ്മീൻകുത്ത് വരെയുള്ള റോഡ് നവീകരണത്തിന് 3 കോടി, തലക്കോട്–മുള്ളരിങ്ങാട് റോഡിന് 2 കോടി, ചാത്തമറ്റം–ഊരംകുഴി റോഡിന് 2.50 കോടി, നെല്ലിമറ്റം–ഉപ്പുകുളം റോഡിന് 2 കോടി, എന്നിങ്ങനെയാണ് ഫണ്ട് അനുവദിച്ചത്. ടെണ്ടർ നടപടികൾ പൂർത്തീകരിച്ച് നിർമ്മാണം ഉടൻ ആരംഭിക്കുമെന്ന് എംഎൽഎ പറഞ്ഞു.
