കോതമംഗലം : സിപിഎം ന്റെ അക്രമണങ്ങളിൽ പ്രതിഷേധിച്ച് തൃക്കാരിയൂർ- അയക്കാട് മേഖലയിൽ ഇന്ന് ബുധനാഴ്ച്ച ഉച്ചക്ക് 2 മണിമുതൽ സംഘപരിവാർ സംഘടനകൾ ഹർത്താൽ നടത്തി. സിപിഎം ന്റെ തൃക്കാരിയൂർ പ്രാദേശിക നേതൃത്വത്തിലെ ചിലരും, പുറത്ത് നിന്നും കൊണ്ടുവന്ന സിപിഎം അനുകൂലികളും ചേർന്ന്, തൃക്കാരിയൂരിലെ ബിജെപിയുടെ വാർഡ് മെമ്പർ സനൽ പുത്തൻപുരക്കലിന്റെ വീട് തല്ലി പൊളിക്കുകയായിരുന്നു എന്ന് ബിജെപി നേതാക്കൾ വെളിപ്പെടുത്തുന്നു.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
നിരവധി സംഘപരിവാർ പ്രവർത്തകരെ ആക്രമിക്കുകയും, പ്രവർത്തകരുടെ വാഹനങ്ങൾ തല്ലിപൊളിക്കുകയും ചെയ്തുകൊണ്ട് കഴിഞ്ഞ രാത്രി സിപിഎം ഗുണ്ടകൾ അക്രമ താണ്ഡവമാടുകയായിരുന്നു എന്നും , ഇതിൽ പ്രതിഷേധിച്ചുകൊണ്ടാണ് തൃക്കാരിയൂരിൽ- അയക്കാട് സംഘപരിവാർ ഹർത്താലിന് ആഹ്വാനം ചെയ്തത്. തുടർന്ന് പ്രതിഷേധപ്രകടനവും നടത്തി.
തൃക്കാരിയൂരില് സി.പി.എം.-ഡിവൈഎഫ്ഐ നേതാക്കളെ ബി.ജെ.പി.-ആര്.എസ്.എസ്.പ്രവര്ത്തകര് ആക്രമിച്ചെന്ന് സിപിഎം. വാഹനമിടിച്ചും ആക്രമിച്ചും കൊലപ്പെടുത്താന് ശ്രമിച്ചെന്ന് ആരോപണം. ബുധനാഴ്ച വൈകുന്നേരവും ചൊവ്വാഴ്ച രാത്രിയുമാണ് സംഭവങ്ങള്. പരിക്കേറ്റ ലോക്കല്കമ്മറ്റി അംഗം ശ്രീജിത്ത്,ഡിവൈഎഫ്ഐ മേഖലാ വൈസ് പ്രസിഡന്റ് സൂരജ് എന്നിവര് കോതമംഗലത്ത ആശുപത്രിയില് ചികിത്സിയിലാണ്. പഞ്ചായത്ത് മെമ്പറുടെ വീടാക്രമണകഥ കെട്ടിച്ചമച്ചതാണെന്നും സി.പി.എം.ആരോപിച്ചു.
![](https://kothamangalamnews.com/wp-content/uploads/2023/11/kothamangalamnews.png)