കോതമംഗലം: സ്വകാര്യ ബസ് മേഖലയില് ഉണ്ടായ പ്രതിസന്ധി പരിഹരിക്കണമെന്ന് ആവശ്യപ്പെട്ട് കേരള സ്റ്റേറ്റ് പ്രൈവറ്റ് ബസ് ഫെഡറേഷന് നാളെ കോതമംഗലത്ത് ധര്ണ നടത്തും. രാവിലെ 10ന് ഫെഡറേഷന് സംസ്ഥാന ജനറല് സെക്രട്ടറി ശരണ്യ മനോജ് ഉദ്ഘാടനം ചെയ്യും.
പ്രിയദര്ശിനി പദ്ധതിമൂലം പ്രതിസന്ധിയിലായ ബസുകളെ കണ്ടെത്തി അവരെ പുനരുജ്ജീവിപ്പിക്കുന്നതിനുള്ള ഒരു പാക്കേജ് സര്ക്കാര് പ്രഖ്യാപിക്കണമെന്നും ഫെഡറേഷന് ഭാരവാഹികള് ആവശ്യപ്പെട്ടു. പ്രതിസന്ധിയിലായ സ്വകാര്യ ബസുകള് സര്ക്കാരിന് കിലോമീറ്റര് അടിസ്ഥാനത്തില് വാടകയ്ക്ക് നല്കാന് ബസ് ഉടമകള് തയ്യാറാണ്. മൂന്നാറിനും എറണാകുളത്തേക്കും കെഎസ്ആര്ടിസിയുടെ പ്രിയദര്ശിനി ബസുകള് ഓടുന്നത് മൂലം പെരുമ്പാവൂര് – അടിമാലി റൂട്ടുകളിലും സ്വകാര്യ ബസുകള് പ്രതിസന്ധിയിലാണ്.
കുമളി-കട്ടപ്പന റൂട്ടില് ഏകദേശം 40-ഓളം പ്രിയദര്ശിനി സര്വീസുകളുണ്ട്. തേക്കടിയിലേക്ക് ധാരാളം കെഎസ്ആര്ടിസി ബസുകള് സര്വീസ് നടത്തുന്നുണ്ട്. ഇവയില് ഭൂരിഭാഗവും പ്രിയദര്ശിനിയാണ്. അതിനാല് പ്രതിസന്ധിയിലായ സ്വകാര്യ ബസ് മേഖലയെ സംരക്ഷിക്കാന് സര്ക്കാര് ഇടപെടല് വേണമെന്ന് ഭാരവാഹികള് പത്രസമ്മേളനത്തില് പറഞ്ഞു.
