Connect with us

Hi, what are you looking for?

NEWS

പൂയംകുട്ടി ജന സംരക്ഷണ സമിതിക്ക് അഭിമാനനിമിഷം; ആറു മാസത്തിനകം ജനവാസമേഖലയിൽ ട്രെഞ്ച്.

കോതമംഗലം : കഴിഞ്ഞ നാലു വർഷക്കാലമായി പൂയംകുട്ടിയുടെ സാമൂഹിക രാഷ്ട്രീയ മേഖലകളിൽ മാറ്റി നിർത്താനാവാത്ത സാന്നിധ്യമാണ് ജനസംരക്ഷണ സമിതി. വന്യജീവി ശല്യം, ഫോറസ്റ്റ് അതിക്രമങ്ങൾ, പട്ടയപ്രശ്നം തുടങ്ങിയ വിഷയങ്ങളിൽ ഇടപെടുവാൻ പൂയംകുട്ടി സെന്റ് ജോർജ് പള്ളി വികാരി ഫാദർ റോബിൻ പടിഞ്ഞാറേകുറ്റിന്റെ നേതൃത്വത്തിൽ രൂപീകൃതമായ ജനകീയ കൂട്ടായ്മയാണ് ജന സംരക്ഷണ സമിതി. ആദ്യഘട്ടത്തിൽ വിവിധ കോണുകളിൽനിന്ന് സമിതിയെ നിഷ്പ്രഭമാക്കാൻ പല ശ്രമങ്ങളുണ്ടായി. ജാതി മത രാഷ്ട്രീയ ഭേദമന്യേ നിലപാടിലുറച്ച് ഈ നാലു വർഷക്കാലം നിലനിൽക്കാൻ കഴിഞ്ഞത് സമിതിയെ എല്ലാവർക്കും പ്രിയങ്കരം ആക്കി. ഒരു രാഷ്ട്രീയ പാർട്ടിയോടും ഒരു മത സമൂഹത്തോടും കൂട്ടു ചേരാതെ എല്ലാവരെയും ഉൾക്കൊണ്ട് മുൻപോട്ടു നീങ്ങുക എന്നതാണ് സമിതിയുടെ ശൈലി.

പരസ്യ നിലപാടുകൾ ചങ്കുറപ്പോടെ പറഞ്ഞും, മുഖം നോക്കാതെ നിലപാടുകൾ വ്യക്തമാക്കിയും ജനകീയ വിഷയങ്ങളിൽ സജീവമായി ഇടപെട്ട സമിതി പൂയംകുട്ടിയിലെ ജനകീയ വിഷയങ്ങളുടെ അവസാന വാക്കായി മാറി. ആർക്കും ഏതു സമയത്തും സമീപിക്കാവുന്ന സമിതിയുടെ നേതൃത്വത്തിൽ മണികണ്ഠൻ ചാൽ ചപ്പാത്ത്., വന്യജീവി ശല്യം, തുടങ്ങിയ വിഷയങ്ങളിൽ വലിയ ഇടപെടൽ തന്നെ നടക്കുകയുണ്ടായി, 2017 മാർച്ച് മാസത്തിൽ ജോണി വേങ്ങൂരാൻ എന്നയാളെ ആന ചവിട്ടിക്കൊന്ന തുമായി ബന്ധപ്പെട്ട് സമിതി നടത്തിയ കോതമംഗലം ഡി എഫ് ഒ ഓഫീസ് സമരം കോത മംഗലം കണ്ട ഏറ്റവും വലിയ ജനകീയ സമരങ്ങളിൽ ഒന്നായിരുന്നു. തുടർന്ന് ഏതു വിഷയങ്ങളിലും സമിതിയുടെ നിലപാട് എല്ലാവരും ശ്രദ്ധിച്ചിരുന്നു. ഇതേതുടർന്നാണ് ആന്റണി ജോൺ എംഎൽഎ ഏഴു കിലോമീറ്റർ സോളാർ ഫെൻസിങ് അനുവദിച്ചത്.

മണികണ്ഠൻ ചാലിൽ പട്ടയം കിട്ടാൻ ഉള്ള സാധ്യത പോലുമില്ല എന്ന പ്രചാരണം നടന്നിടത്ത് മിക്കവാറും ആളുകളുടെ പേരിൽ പട്ടയം അപേക്ഷ കൊടുക്കാൻ കഴിഞ്ഞതും ഈ വിഷയത്തിൽ നീതി തേടി കോടതിയെ സമീപിക്കാൻ കഴിഞ്ഞതും, മണികണ്ഠൻ ചാൽ ചപ്പാത്തിന് അനുകൂലമായ വിധി മനുഷ്യാവകാശ കമ്മീഷനിൽ നിന്ന് സമ്പാദിക്കാൻ കഴിഞ്ഞതും, ആലുവ മൂന്നാർ റോഡ് വീണ്ടും ചർച്ചയാക്കാൻ കഴിഞ്ഞതും എല്ലാം ജനസംരക്ഷണ സമിതിയുടെ വലിയ നേട്ടങ്ങൾ ആയിരുന്നു. എല്ലാ രാഷ്ട്രീയ പ്രസ്ഥാനങ്ങളോടും മത സമൂഹങ്ങളോടും പൊതു പ്രവർത്തകരോടും വളരെ അടുപ്പം സൂക്ഷിക്കുന്ന ജനസംരക്ഷണ സമിതി പല കാര്യങ്ങളിലും സജീവ ഇടപെടലുകൾ നടത്തുന്നു. ഒടുവിൽ പൂയംകുട്ടി ജനവാസമേഖലയിൽ ചുറ്റും ട്രെഞ്ച് ഫ്രഞ്ച് താഴ്ത്താൻ ഉള്ള അനുമതികൂടി സ്വന്തമാക്കുമ്പോൾ സമിതി പൂയംകുട്ടിക്ക്‌ ഏറെ പ്രിയങ്കരമായി മാറുന്നു.

എല്ലാ മനുഷ്യാവകാശ വിഷയങ്ങളിലും ധീരതയോടെ ഇടപെട്ട സമിതിയുടെ കൺവീനർ ഫാ. റോബിൻ പടിഞ്ഞാറേകുറ്റ് ഇവിടെനിന്ന് സ്ഥലംമാറി പോകുമ്പോൾ സമിതിയുടെ ഭാവി എന്താകുമെന്ന് എല്ലാവരും ഉറ്റു നോക്കുന്നുണ്ട്. കിഴക്കമ്പലം മോഡലിൽ കുട്ടമ്പുഴ പഞ്ചായത്തിൽ സ്ഥാനാർഥികളെ സമിതി നിർത്തുമോ എന്നും സംശയിക്കുന്നവരുണ്ട്. നിലവിൽ ഇത്തരം തീരുമാനങ്ങൾ ഒന്നും ഇല്ല എന്നും എന്നാൽ ആവശ്യം വന്നാൽ മടിക്കില്ല എന്നുമാണ് സമിതി നിർവാഹകസമിതി പ്രതികരിച്ചിരിക്കുന്നത്. എന്തായിരുന്നാലും ഇത്തരമൊരു ജനമുന്നേറ്റത്തിന് വലിയ പിന്തുണ ജനങ്ങൾ കൊടുക്കുന്നുണ്ട് എന്നുള്ളതിന് ഇന്ന് പോലും കുട്ടികൾ നടന്ന സമരം സാക്ഷി നിൽക്കുന്നു. തുടക്കം മുതൽ ജനങ്ങൾക്കൊപ്പം സമിതി നേതൃത്വം നിലയുറപ്പിച്ചു. എന്നാൽ വളരെ സമാധാനപൂർണമായും നിലപാടുകളിൽ ഉറച്ചു നിന്നും സമിതി കൺവീനർ കാര്യങ്ങൾ അവതരിപ്പിച്ചപ്പോൾ എല്ലാവരും അതിനോട് സഹകരിക്കുന്നത് ആണ് കണ്ടത്. ഇത് സമിതിയുടെ സ്വീകാര്യതയുടെ ഒരടയാളവുമാണ്.

You May Also Like

NEWS

കുട്ടമ്പുഴ: കുട്ടമ്പുഴ പഞ്ചായത്തിലെ.മാമലക്കണ്ടം എന്ന കൊച്ചഗ്രാമത്തിലെ ചെന്ദൻപളളി ശശി യുടെയും ലീലയുടെ മക്കാളായ വിനയൻ സി എസ് പ്രേനായർ , വിമൽ ഐഡിയയും ചേർന്ന് ഒരുക്കുന്ന രണ്ടാമത്തെ സിനിമ ഉടൻ തിയേറ്റർകളിലേക്ക്. ഒരുപാട്...

NEWS

കോതമംഗലം : കുട്ടമ്പുഴ പഞ്ചായത്തിലെ പിണവൂർ കുടി ആദിവാസി ഉന്നതിയിൽ 1 കോടി രൂപയുടെ വിവിധ വികസന പ്രവർത്തനങ്ങൾ നടപ്പിലാക്കുമെന്ന് ആന്റണി ജോൺ എം എൽ എ അറിയിച്ചു. പഠന കേന്ദ്രം, കമ്മ്യൂണിറ്റി...

NEWS

കോതമംഗലം : മണികണ്ഠൻ ചാലിൽ ഒഴുക്കിൽപ്പെട്ട് മരണമടഞ്ഞ ബിജുവിന്റെ സംസ്കാരം വൻ ജനാവലിയുടെ സാന്നിധ്യത്തിൽ പൂയം കുട്ടി സെന്റ് ജോർജ് പള്ളിയിൽ നടന്നു. സംസ്കാര ശുശ്രൂഷകൾക്ക് ഫാ. ജോസ് ചിരപ്പറമ്പിൽ, ഫാ.മാത്യു തൊഴാല...

NEWS

കോതമംഗലം :കഴിഞ്ഞ ബുധനാഴ്ച്ച രാവിലെ 6.30 നോടുകൂടി മണികണ്ഠൻ ചാലിൽ ഒഴുക്കിൽപ്പെട്ട് കാണാതായ ബിജുവിന്റെ മൃത ദേഹം ഇന്ന് രാവിലെ 8.30 നോടുകൂടി പൂയംകുട്ടി കപ്പേളപ്പടി യിൽ കണ്ടെത്തി.അപകടം ഉണ്ടായ സമയം മുതൽ...

NEWS

പൂയംകുട്ടി: മണികണ്ഠൻ ചാൽ ചപ്പാത്തിൽ പാലം മുറിച്ചു കടക്കുമ്പോൾ ഒഴുക്കിൽ പെട്ട ബിജുവിൻ്റെ(രാധാകൃഷ്ണൻ 35) മൃതദേഹം കണ്ടെത്തി. ആറാം ദിവസമാണ് കണ്ടെത്തിയത്. ഇന്ന് (30/06/2025) രാവിലെ പൂയംകുട്ടി ഭാഗത്ത് നിന്നും താഴേക്ക് ഒഴുകുന്ന...

NEWS

കോതമംഗലം : മണികണ്ഠൻ ചാലിൽ ഒഴുക്കിൽപ്പെട്ട് കാണാതായ ബിജുവിനായുള്ള തിരച്ചിൽ അഞ്ചാം ദിവസവും തുടരുന്നു. കഴിഞ്ഞ നാല് ദിവസങ്ങളിൽ നേവിയുടെയും, ഫയർഫോഴ്സ് സ്കൂബ,എൻ ഡി ആർ എഫ് ടീമിന്റെയും നേതൃത്വത്തിൽ മേഖലയിൽ ആകെ...

NEWS

കോതമംഗലം : കഴിഞ്ഞ ബുധനാഴ്ച്ച (25/6/2025) പൂയംകൂട്ടി മണികണ്‌ഠൻ ച്ചാലിൽ ഒഴുക്കിൽപ്പെട്ട് കാണാതായ വി ജെ രാധാകൃഷ്‌ണനെ (ബിജു) കണ്ടെത്തുന്നതിനായി നടത്തുന്ന തിരച്ചിൽ ജില്ലയിലെ മറ്റ് മേഖലകളിലേക്കും (കുന്നത്ത്നാട്,ആലുവ താലൂക്കുകളുടെ പരിധിയിലും) വ്യാപിപ്പിക്കണമെന്ന്...

NEWS

കോതമംഗലം: പൂയംകുട്ടി മണികണ്ഠൻ ചാൽ ചപ്പാത്തിലൂടെ നടന്നു വരുന്നതിനിടയിൽ ഒഴുക്കിൽപെട്ട് കാണാതായ മണികണ്ഠൻച്ചാൽ സ്വദേശി ബിജുവിനായി തിരച്ചിൽ മൂന്ന് ദിവസം പിന്നിട്ടു .ഇന്ന് (27/6/25)രാവിലെ 7 മുതൽ എൻ ഡി ആർ എഫിന്റെ...

NEWS

കോതമംഗലം: മണികണ്ഠന്‍ചാലില്‍ പാലം നിര്‍മിക്കണമെന്ന നാട്ടുകാരുടെയും യുഡിഎഫിന്റെയും വര്‍ഷങ്ങളായുള്ള ആവശ്യത്തെ എംഎല്‍എയും സര്‍ക്കാരും അവഗണിച്ചതിന്റെ ഫലമാണ് ചപ്പാത്തില്‍നിന്ന് പുഴയില്‍ ഒഴുക്കില്‍പ്പെട്ട് ബിജുവിനെ കാണാതായതെന്ന് യുഡിഎഫ് ജില്ല കണ്‍വീനര്‍ ഷിബു തെക്കുംപുറം. മഴ പെയ്താല്‍...

NEWS

കോതമംഗലം: കനത്ത മഴയെതുടര്‍ന്ന് കുട്ടന്പുഴ പഞ്ചായത്ത് 15-ാം വാര്‍ഡ് നൂറേക്കറില്‍ വീടിന്റെ സംരക്ഷണ ഭിത്തി സമീപവാസികകളുടെ വീടുകള്‍ക്ക് സമീപത്തേക്ക് ഇടിഞ്ഞു വീണു. പയ്യപ്പിള്ളി ചിന്നമ്മ റാഫേലിന്റെ വീടിന്റെ സംരക്ഷണ ഭിത്തിയാണ് അയല്‍വാസികളായ പാറമേല്‍...

NEWS

കോതമംഗലം: മണികണ്ഠന്‍ചാല്‍ ചപ്പാത്തിലൂടെ നടന്നുനീങ്ങുന്നതിനിടെ ഒഴുക്കില്‍പ്പെട്ട് കാണാതായ ബിജുവിനായി പൂയംകുട്ടിപുഴയില്‍ രണ്ടാം ദിവസവും നടത്തിയ ഊര്‍ജ്ജിത തെരച്ചിലും വിഫലമായി.മണികണ്ഠന്‍ചാല്‍ വര്‍ക്കൂട്ടുമാവിള രാധാകൃഷ്ണനാണ് (ബിജു-37) ബുധനാഴ്ച രാവിലെ ആറരയോടെ ഒഴുക്കില്‍പെട്ടത്. സ്വകാര്യബസ് തൊഴിലാളിയായ ബിജു...

NEWS

കോതമംഗലം – കുട്ടമ്പുഴ പഞ്ചായത്തിലെ പന്തപ്ര ഉന്നതിയിൽ കാട്ടാന ശല്യം രൂക്ഷമായി. ഇന്ന് പുലർച്ചെ യെത്തിയ ആനകൾ വ്യാപകമായി കൃഷികൾ നശിപ്പിച്ചു. പന്തപ്ര ഉന്നതിയിലെ ഊരുമൂപ്പൻ കുട്ടൻ ഗോപാലൻ, ചെല്ലപ്പൻ, പ്രഭാകരൻ എന്നിവരുടെ...

error: Content is protected !!