കോതമംഗലം: കുട്ടമ്പുഴ പഞ്ചായത്തിലെ ആദിവാസി ഊരുകളില് വില്പനക്കെത്തിച്ച ഇന്ത്യന് നിര്മ്മിത വിദേശമദ്യവുമായി ഒരാള് പിടിയില്. കുട്ടമ്പുഴ ഞായപ്പിള്ളി സ്വദേശി ഷാജനാണ് 15 ലിറ്റര് മദ്യവുമായി പൂയംകുട്ടിക്ക് സമീപം ബ്ലാവന കടവില് നിന്ന് പിടിയിലായത്.മദ്യം കടത്താനുപയോഗിച്ച ജീപ്പും എക്സൈസ് കസ്റ്റഡിയിലെടുത്തു.
ബ്ലാവനയില് നിന്ന് ദുര്ഘട കാട്ടുപാതയിലൂടെ കിലോമീറ്ററുകള് ദൂരെയുള്ള ഉന്നതികളില് താമസിക്കുന്നവരെ ലക്ഷ്യമിട്ടാണ് പ്രതി മദ്യവുമായി എത്തിയത്. രഹസ്യവിവരത്തെ തുടര്ന്ന് കോതമംഗലം എക്സൈസ് ഇന്സ്പെക്ടര് സബിന്ടിയുടെ നേതൃത്വത്തില് അസിസ്റ്റന്റ് ഇന്സ്പെക്ടര് ഗ്രേഡ് അജി അഗസ്റ്റിന്, പ്രിവേന്റ്റീവ് ഓഫീസര് ഗ്രേഡ് മാരായ വിനോദ് കെകെ, ദേതു വിസി, ഡ്രൈവര് നന്ദു എന്നിവര് ചേര്ന്ന് നടത്തിയ പരിശോധനയിലാണ് പ്രതി പിടിയിലായത്. ഇത്തരം പരിശോധനകള് തുടരുമെന്ന് എക്സൈസ് ഇന്സ്പെക്ടര് സബിന് ടി പറഞ്ഞു.
