കുട്ടമ്പുഴ ബാങ്ക് മന്ദിര നിർമ്മാണം കോണ്‍ഗ്രസ് തടയുന്നതായി ആരോപണം; എൽഡിഎഫ് പ്രതിഷേധിച്ചു

കോതമംഗലം: കുട്ടമ്പുഴ സഹകരണ ബാങ്കിന്റെ ഹെഡ് ഓഫീസിനായി പുതിയ മന്ദിരം നിര്‍മ്മിക്കുന്നത് തടയാന്‍ പഞ്ചായത്ത് ഭരണം ഉപയോഗിച്ച് കോണ്‍ഗ്രസ് ശ്രമിക്കുന്നതായി എല്‍ഡിഎഫിന്റെ ആരോപണം. ഇതിനെതിരെ കുട്ടമ്പുഴയില്‍ പ്രതിഷേധ സമ്മേളനം സംഘടിപ്പിച്ചു. സിപിഐ ജില്ലാ സെക്രട്ടറി ഇ.കെ.ശിവന്‍ സമ്മേളനം ഉദ്ഘാടനം ചെയ്തു. ഡെയ്സി ജോയി അധ്യക്ഷത വഹിച്ചു. ബാങ്ക് പ്രസിഡന്റ് കെ.കെ.ശിവന്‍, മനോജ് ഗോപി, ഇ.കെ.ജോഷി, കെ.ജെ.ജോസ്, കെ.കെ.ഗോപി, എ.പി.വാവച്ചന്‍, എം.കെ.ജോയി, കെ.എ.റോയി, വി.വി.ജോണി, കെ.യു.ആന്റണി എന്നിവര്‍ പ്രസംഗിച്ചു.