ACCIDENT
വേട്ടാംപാറയിലെ പാറമടയിലെ ജോലിക്കിടയിൽ യുവാവിന് ദാരുണാന്ത്യം.

കോതമംഗലം : പിണ്ടിമന പഞ്ചായത്തിൽ വെറ്റിലപ്പാറക്ക് അടുത്ത് പ്രവർത്തിക്കുന്ന ചൈതന്യ പാറമടയിൽ തലയടിച്ചു വീണു ജോലിക്കാരന് ദാരുണാന്ത്യം. വടാട്ടുപാറ സ്വദേശി കുമ്പിക്കൽ ബിജു (48) ആണ് മരണപ്പെട്ടത്. ഏകദേശം 100 അടിയോളം ഉയരമുള്ള പാറമടയിൽ മധ്യ ഭാഗത്തായി സേഫ്റ്റി ബെൽറ്റിൽ തൂങ്ങി നിന്ന് കുഴി എടുക്കുന്നതിനിടയിൽ മുകളിൽ നിന്നും കല്ലു വന്നു വീണു കാൽ തെറ്റി കഴുത്തിടിച്ചു വീണതാകാം മരണകാരണമെന്നാണ് പ്രാഥമിക നിഗമനം.
സേഫ്റ്റി ബെൽറ്റിൽ തൂങ്ങിനിന്ന ബിജുവിനെ മറ്റു തൊഴിലാളികൾ താഴെയിറക്കി ആശുപത്രിയിലേക്ക് കൊണ്ടുപോകും വഴിയാണ് മരണപ്പെട്ടത്. കോതമംഗലം തഹസിൽദാർ നാസർ വില്ലേജ് ഓഫീസർ റഹീം എന്നിവർ സ്ഥലം സന്ദർശിച്ചു സ്ഥിതിഗതികൾ വിലയിരുത്തി. മരണപ്പെട്ട ബിജുവിനെ കുടുംബത്തിന് എല്ലാവിധ സഹായങ്ങളും നൽകുമെന്ന് പാറമട ഉടമ ഉറപ്പുനൽകിയിട്ടുണ്ട്. മൃതദേഹം കോതമംഗലത്തെ സ്വകാര്യ ആശുപത്രി മോർച്ചറിയിൽ.
നിലവിൽ ബിജുവിന്റെ ഭാര്യ ഷൈനി അർബുദരോഗത്തിന് ചികിത്സയിലാണ്. എട്ടിലും അഞ്ചിലും പഠിക്കുന്ന രണ്ടു കുട്ടികളുണ്ട്.
ACCIDENT
പത്രിപ്പൂ പറക്കാൻ പോയ യുവാവ് മരത്തിൽ നിന്ന് വീണ് മരിച്ചു.

കോതമംഗലം :- വനവിഭവങ്ങൾ ശേഖരിക്കാൻ വനത്തിൽ പോയ യുവാവ് മരത്തിൽ നിന്ന് വീണ് മരിച്ചു. ഇന്ന് വൈകിട്ട് ഉരുളൻതണ്ണി വനത്തിലാണ് സംഭവം. കുട്ടമ്പുഴ പഞ്ചായത്തിലെ പിണവൂർകുടി ആദിവാസി കോളനിയിലെ സോമൻ (35) ആണ് മരിച്ചത്. അഞ്ചംഗ സംഘത്തോടൊപ്പം പത്രിപ്പൂ ശേഖരിക്കുന്നതിനിടയിലാണ് അപകടം സംഭവിച്ചത്. ഉടനെ ഒപ്പമുണ്ടായിരുന്നവർ കിലോമീറ്ററുകളോളം ചുമന്ന് സോമനെ ഉരുളൻതണ്ണിയിലെത്തിക്കുകയായിരുന്നു. രാത്രി എട്ടേമുക്കാലോടെ ആംബുലൻസിൽ കോതമംഗലം താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.
🌀കോതമംഗലം വാർത്ത ẇһѧṭṡѧƿƿıʟ ലഭിക്കുവാൻ താഴെ കാണുന്ന ലിങ്കിൽ ക്ലിക്ക് ചെയ്യുക👇
ACCIDENT
വാഹനാപകടത്തില് കോട്ടപ്പടി സ്വാദേശിയായ യുവാവ് മരണപ്പെട്ടു.

കോതമംഗലം : മുവാറ്റുപുഴ പേഴക്കാപ്പിള്ളിയിൽ വച്ചുണ്ടായ വാഹനാപകടത്തില് പരിക്കേറ്റ് ചികിത്സയിലായിരുന്ന കോട്ടപ്പടി ഉപ്പുകണ്ടം സ്വദേശിയായ യുവാവ് മരിച്ചു. ഉപ്പുകണ്ടം മനക്കശ്ശേരിൽ സോമൻ പ്രീത ദമ്പതികളുടെ മൂത്തമകൻ അഖിൽ സോമൻ (33) ആണ് ചൊവ്വാഴ്ച്ച രാത്രി നടന്ന അപകടത്തിൽ മരിച്ചത്. അഖിൽ സഞ്ചരിച്ച ഇരുചക്ര വാഹനം പിക്കപ്പ് വാനുമായി കൂട്ടിയിടിച്ചു പരിക്ക് പറ്റിയ അഖിലിനെ കോലഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. തുടർന്ന് വിദഗ്ധ ചികിത്സക്കായി എറണാകുളം മെഡിക്കൽ ട്രസ്റ്റിൽ പ്രവേശിപ്പിക്കുകയും ആരോഗ്യസ്ഥിതി മോശമായതിനെത്തുടർന്ന് ഇന്ന് രാവിലെ പതിനൊന്ന് മണിയോടുകൂടി ജീവൻ നഷ്ടപ്പെടുകയായിരുന്നു. സഹോദരൻ അഭിജിത്ത്. സംസ്കാരം നാളെ വെള്ളിയാഴ്ച്ച വീട്ടുവളപ്പിൽ.
ACCIDENT
കോതമംഗലത്തെ കണ്ണീരിൽ ആഴ്ത്തിയ വാഹനാപകടം; തങ്കളം,തൃക്കാരിയൂർ സ്വദേശികളായ രണ്ട് യുവാക്കൾ മരിച്ചു.

കോതമംഗലം : എറണാകുളം കുണ്ടന്നൂരിൽ ബൈക്കും കാറും കൂട്ടിയിടിച്ചുണ്ടായ അപകടത്തിൽ കോതമംഗലം സ്വദേശികളായ രണ്ട് യുവാക്കൾ മരിച്ചു. തങ്കളം കരിമല പുത്തൻപുരയ്ക്കൽ ഹംസയുടെ മകൻ അജ്മൽ (18), തൃക്കാരിയൂർ കുന്നത്തുപറമ്പിൽ വീട്ടിൽ അഭിജിത്ത് (17) എന്നിവരാണ് മരിച്ചത്. ഇരുവരും സഞ്ചരിച്ചിരുന്ന ബൈക്ക് എതിരെ വന്ന കാറിൽ ഇടിക്കുകയായിരുന്നു.
ഇന്നലെ(തിങ്കൾ) രാത്രിയാണ് അപകടം നടന്നത്. അജ്മൽ സംഭവസ്ഥലത്ത് വച്ച് തന്നെ മരിച്ചു. ഗുരുതര പരിക്കേറ്റ അഭിജിത്ത് എറണാകുളത്തെ സ്വകാര്യ ആശുപത്രിയിൽ വച്ച് ഇന്ന്(ചൊവ്വ) ഉച്ചയോടെ മരണത്തിന് കീഴടങ്ങി. അജ്മലും അഭിജിത്തും അടുത്ത സുഹൃത്തുക്കളായിരുന്നു. അജ്മലിന്റെ സഹോദരിയുടെ വിവാഹം ഞായറാഴ്ചയായിരുന്നു. തങ്കളത്തെ വീട്ടിലായിരുന്ന സഹോദരിയുടെ മൊബൈൽ ഫോൺ നൽകുന്നതിനായാണ് അജ്മൽ സുഹൃത്തായ അഭിജിത്തിനെയും കൂട്ടി സഹോദരിയുടെ ഭർതൃവീട്ടിലേക്ക് പോയത്. തിരികെ വരുമ്പോഴാണ് അപകടമുണ്ടായത്.
-
CRIME6 days ago
പരീക്കണ്ണിപ്പുഴയിൽ സ്ത്രീയുടെ മൃതദേഹം കണ്ടെത്തി.
-
NEWS1 week ago
ടവർ ലൈനിലെ അലുമിനിയം കമ്പി മോഷണം; 7 പേരെ കുട്ടമ്പുഴ പോലീസ് പിടികൂടി
-
CRIME7 days ago
വനത്തിൽ നിന്നും ഉടുമ്പിനെ പിടികൂടി കറിവെച്ച് കഴിച്ച കേസിൽ നാലുപേരെ വനപാലകർ അറസ്റ്റ് ചെയ്തു
-
CRIME21 hours ago
കോതമംഗലത്ത് വൻ ഹെറോയിൻ വേട്ട
-
ACCIDENT5 days ago
പത്രിപ്പൂ പറക്കാൻ പോയ യുവാവ് മരത്തിൽ നിന്ന് വീണ് മരിച്ചു.
-
AGRICULTURE3 days ago
ഒരു തട്ടേക്കാടൻ തണ്ണിമത്തൻ വിജയഗാഥ; വിളവെടുത്തത് 12 ടണ്ണിൽ പരം കിരൺ തണ്ണിമത്തൻ,പാകമായി കിടക്കുന്നത് 15 ടണ്ണിൽ പരം
-
CRIME1 day ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാടുകടത്തി.
-
Business6 days ago
സൗഖ്യ ഹോംസിലൂടെ നേടാം നവോന്മേഷം; യൂറോപ്യൻ മാതൃകയിൽ റിട്ടയർമെന്റ് ജീവിതം ആഗ്രഹിക്കുന്നവർക്കായി കോതമംഗലത്ത് ഒരു സ്വർഗ്ഗീയഭവനം