പെരുമ്പാവൂർ : പള്ളിക്കരയിൽ കാർപോർച്ചിൽ സൂക്ഷിച്ചിരുന്ന സ്പോർട്ട്സ് സൈക്കിൾ മോഷ്ടിച്ചയാൾ പിടിയിൽ. വളയൻചിറങ്ങര പുത്തൂരൻ കവലയിൽ സുരേഷ് ഭവനത്തിൽ നികിലേഷ് (27) ആണ് കുന്നത്തുനാട് പോലിസിന്‍റെ പിടിയിലായത്. കഴിഞ്ഞ 21 ന് പുലർച്ചെയാണ് ഇരുപത്തയ്യായിരം രൂപ വിലവരുന്ന സൈക്കിൾ ഇയാൾ മോഷ്ടിച്ചത്. തുടർന്ന് അലുവയിലുളള അതിഥി തൊഴിലാളിക്ക് നിസാര വിലക്ക് വിൽക്കുകയായിരുന്നു. സൈക്കിൾ ഉളിയന്നൂരിൽ നിന്ന് കണ്ടെടുത്തു.
വിവിധ പോലിസ് സ്റ്റേഷനുകളിലായി പതിനഞ്ചോളം കേസുകൾ നികിലേഷിന്‍റെ പേരിലുണ്ട്. കുറുപ്പംപടി പോലീസ് സ്റ്റേഷനിലെ റൗഡി ലിസ്റ്റിൽപെട്ട ആളാണ്. എസ്.എച്ച്.ഒ വി.ടി ഷാജൻ, എസ് ഐ എം.പി.എബി, എ എസ് ഐ അനിൽകുമാർ, എസ് സി. പി ഒ മാരായ പി.എ.അബ്ദുൾ.മനാഫ്, ടി.എ.അഫ്സൽ തുടങ്ങിയവരാണ് അന്വേഷണ സംഘത്തിലുള്ളത്.
