പെരുമ്പാവൂർ : വീട്ടിൽ കയറി ദമ്പതികളെ ആക്രമിച്ച കേസിൽ ഒരാൾ അറസ്റ്റിൽ. കാലടി ചെങ്ങൽ എട്ടിയാട്ടര വീട്ടിൽ (ഇപ്പോൾ മാറമ്പിള്ളി പള്ളിപ്രം പള്ളിക്കവല ഭാഗത്ത് വാടകയ്ക്ക് താമസിക്കുന്ന) സലിം മുഹമ്മദാലി (46) എന്നയാളെയാണ് പെരുമ്പാവൂർ പോലീസ് അറസ്റ്റ് ചെയ്തത്. പള്ളിക്കവല ഭാഗത്തുള്ള ഷിഹാദ് എന്നയാളുടെ വീട്ടിൽ അതിക്രമിച്ച് കയറി ഇയാളെ കത്തികൊണ്ട് കുത്താൻ ശ്രമിക്കുകയും ഭാര്യയെ അടിച്ചുവീഴ്ത്തുകയുമായിരുന്നു.
കഴിഞ്ഞ ദിവസം രാത്രിയായിരുന്നു സംഭവം. പെരുമ്പാവൂർ ഇൻസ്പെക്ടർ രഞ്ജിത്ത്, സബ് ഇൻസ്പെക്ടർ ജോസി എം ജോൺസൺ, എസ്.സി.പി.ഒ മാരായ പി.എ.ഷിബു, ഷിനോജ്, ജെയ്ജോ ആന്‍റെണി എന്നിവരടങ്ങിയ സംഘമാണ് കേസന്വേഷിച്ചത്. കോടതിയിൽ ഹാജരാക്കിയ പ്രതിയെ റിമാന്‍റ് ചെയ്തു.
