കോതമംഗലം : പല്ലാരിമംഗലം ഗ്രാമപഞ്ചായത്ത് കുടുംബശ്രീ സി ഡി എസ് സംഘടിപ്പിച്ച സാമൂഹ്യമേള സമാപിച്ചു. രണ്ട്ദിവസമായി മാവുടിയിൽനടന്ന സാമൂഹ്യമേള ഗ്രാമപഞ്ചായത്ത് പ്രസിഡന്റ് പി കെ മൊയ്തു ഉദ്ഘാടനംചെയ്തു. വൈസ്പ്രസിഡന്റ് നിസാമോൾസിദ്ധീഖ് അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം ഒ ഇ അബ്ബാസ്, സ്റ്റാൻഡിംഗ് കമ്മിറ്റി ചെയർമാൻ പി എം സിദ്ധീഖ്, ഗ്രാമപഞ്ചായത്തംഗങ്ങളായ ഷാജിമോൾ റഫീഖ്, എ എ രമണൻ, നിസാമോൾ ഇസ്മയിൽ,അഡ്വക്കേറ്റ് സി കെ ജോർജ്ജ്, ടി എ സുലൈമാൻ,സുജ ജിജോ എന്നിവർ പ്രസംഗിച്ചു.
വിപുലമായി സംഘടിപ്പിച്ച പരിപാടിയിൽ ലിംഗപദവി സമത്വവും നീതിയും എന്നവിഷയത്തിലും, നിയമബോധനവുമായി ബന്ധപ്പെട്ടും ബോധവത്കരണ ക്ലാസ്സുകൾ നടത്തി. മുത്തശ്ശിക്കൂട്ടവും, വിവിധ കലാപരിപാടികളും സാമൂഹ്യ മേളയുടെ ഭാഗമായിനടത്തി. സി ഡി എസ് ചെയർപേഴ്സൺ ഷാമിലഷാഫി സ്വാഗതവും, സാമൂഹ്യവികസന ഉപസമിതി കൺവീനർ സബീന ഷമീർ കൃതജ്ഞതയും പറഞ്ഞു.
You must be logged in to post a comment Login