കോതമംഗലം: പല്ലാരിമംഗലം അടിവാട് ടൗണില് കഞ്ചാവുമായി ബൈക്കിലെത്തിയ ആൾ എക്സൈസ് പിടിയിൽ. രഹസ്യവിവരത്തെത്തുടർന്ന് സർക്കിൾ ഇന്സ്പെക്ടര് ജോസ് പ്രതാപിൻ്റെ നേതൃത്വത്തില് നടത്തിയ വാഹന പരിശോധനയിലാണ് 4 കിലോ കഞ്ചാവുമായി ആസാം സ്വദേശി പിടിയിലായത്. ഇയാൾ സഞ്ചരിച്ചിരുന്ന പൾസർ ബൈക്കും കസ്റ്റഡിയിലെടുത്തിട്ടുണ്ട്. കോതമംഗലം ടൗണില് നിന്നും പിടികൂടിയ മറ്റ് മൂന്ന് ഇതര സംസ്ഥാന തൊഴിലാളികളുമായി നടത്തിയ അന്വേഷണത്തിനൊടുവിലാണ് അടിവാട് കൃഷി ഭവന്റെ സമീപം വച്ചു പട്രോളിങ് നടത്തുന്നതിനിടെ ബൈക്കിൽ സഞ്ചരിച്ചു വന്ന അസം നാഘോൻ സ്വദേശി ഹഫീസുല് ഇസ്ലാമിനെ (23) എക്സൈസ് സംഘം പിടികൂടിയത്.
അന്വേഷണ സംഘത്തിൽ സർക്കിൾ ഇൻസ്പെക്ടർ എ ജോസ് പ്രതാപിനൊപ്പം പി ഓ. K A നിയാസ്, ജയ് മാത്യൂസ്, സിഇഒ മാരായ എം എം നന്ദു, പി റ്റി രാഹുൽ, ഡ്രൈവർ ബിജു പോൾ എന്നിവർ നേതൃത്വം നൽകി. തുടർന്ന് ഇവര്ക്ക് കഞ്ചാവെത്തിക്കുന്ന പോഞ്ഞാശ്ശേരി സ്വദേശിയെ റായൽ (19)നെ പെരുമ്പാവൂർ പോഞ്ജശ്ശേരിയിൽ നിന്നും പിടികൂടി.
