കോതമംഗലം: ഓൺലൈൻ പഠന സൗകര്യത്തിനായി 5 നിർധന കുട്ടികൾക്ക് സ്മാർട്ട്ഫോൺ വാങ്ങി നല്കി നവ ദമ്പതികൾ മാതൃകയായി. കഴിഞ്ഞ ദിവസം വിവാഹിതരായ ഫെബിൻ എസ് മാത്യുവും അമു മേരി ഷാജിയും ചേർന്ന് തങ്ങളുടെ വിവാഹ ചെലവ് ചുരുക്കി നിർധന കുട്ടികളുടെ ഓൺലൈൻ പഠന സഹായത്തിനായി 5 സമാർട്ട് ഫോണുകൾ ആന്റണി ജോൺ എം എൽ എ യ്ക്ക് കൈമാറി.
കോതമംഗലം സ്വദേശിയായ ബി എസ് എൻ എൽ നിന്നും വിരമിച്ച സാബു മാത്യുവിന്റേയും ലിസി സാബുവിന്റേയും മകനായ ഫെബിനും റാന്നി സ്വദേശിയായ പ്രൊഫ: ഷാജി എബ്രഹാമിന്റേയും മോളി എബ്രഹാമിന്റേയും മകളായ അമു മേരി ഷാജിയും ഈ മാസം 12നാണ് വിവാഹിതരായത്. നവ ദമ്പതികൾക്ക് ആശംസകൾ നേരുന്നു.
