നെല്ലിക്കുഴി : അകാലത്തിൽ മരണത്തിന് കീഴടങ്ങിയ നെല്ലിക്കുഴി പഞ്ചായത്തിലെ മുൻ മെമ്പറുടെ മകളുടെ വിവാഹ ധനസഹായമാണ് ഇപ്പോൾ വിവാദമായിരിക്കുന്നത്. പരേതനായ മുൻ മെമ്പറുടെ മകളുടെ വിവാഹത്തിനായി പഞ്ചായത്തിലെ മെമ്പർമാരുടെ ഒണറിയത്തിൽ നിന്നും ആയിരം രൂപ വീതം എടുക്കുകയും , അങ്ങനെ കിട്ടുന്ന ഇരുപത്തിയൊരായിരം രൂപ വീട്ടുകാർക്ക് കൊടുക്കുവാനുമാണ് തീരുമാനിച്ചിരുന്നത്. 21 മെമ്പർമാരുള്ള പഞ്ചായത്തിൽ എല്ലാവരും ഐക്യകണ്ടേന തീരുമാനത്തോടൊപ്പം നിൽക്കുകയായിരുന്നു. ഓണത്തിനോടനുബന്ധിച്ചു നടന്ന വിവാഹത്തിൽ സംബന്ധിച്ച പഞ്ചായത്ത് പ്രിസിഡന്റ് ബാങ്ക് അവധിയായതുകൊണ്ട് പണം എടുക്കുവാൻ സാധിച്ചില്ല എന്ന് വെളിപ്പെടുത്തുകയും ചെയ്‌തു. പിന്നീട് ഒന്നരമാസത്തിന് ശേഷം സ്റ്റാന്റിംഗ് കമ്മിറ്റിയിലെ ഒരു അംഗം ധനസഹായത്തിന്റെ കാര്യം ഓർമ്മിപ്പിച്ചപ്പോൾ ആണ് വിവാദം ആരംഭിക്കുന്നത്. മുൻ മെമ്പറുടെ വീട്ടുകാരുമായി ബന്ധപ്പെട്ടപ്പോൾ ധനസഹായം ഇതുവരെ ലഭിച്ചില്ലെന്ന് വെളിപ്പെടുത്തുകയും ചെയ്‌തു. ഒന്നരമാസമായി വിവാഹ ധനസഹായം കൈമാറാതിരുന്ന പഞ്ചായത്ത് പ്രിസിഡന്റിനെതിരെ മെമ്പർമാർക്കിടയിതന്നെ അമർഷം ഉണ്ടായിരിക്കുകയാണ്. യു ഡി ഫിന്റെ ആഭ്യമുഖ്യത്തിൽ പ്രിസിഡന്റിന്റെ രാജി ആവശ്യപ്പെട്ടുകൊണ്ട് സമരരംഗത്തേക്ക് കടന്നിരിക്കുകയാണ്.
You must be logged in to post a comment Login