Connect with us

Hi, what are you looking for?

NEWS

കുട്ടമ്പുഴ പഞ്ചായത്തിലെ നാളികേര കർഷകർ പ്രതിസന്ധിയിൽ.

കോതമംഗലം: വാനരപ്പടയുൾപ്പെടെയുള്ള വന്യമൃഗങ്ങളുടെ ശല്യം മൂലം കുട്ടമ്പുഴ പഞ്ചായത്തിലെ നാളികേര കർഷകർ പ്രതിസന്ധിയിൽ. കുട്ടമ്പുഴ പഞ്ചായത്തിലെ ജനവാസ മേഖലകളിലെ കൃഷിയിടങ്ങളിൽ കുരങ്ങു ശല്യം രൂക്ഷമായി. തെങ്ങും, കൊക്കൊയും മറ്റ് കാർഷിക വിളകളും വൻതോതിലാണ് വാനരപ്പട നശിപ്പിക്കുന്നത്. കൂട്ടമായെത്തുന്ന കുരങ്ങുകൾ നാണ്യവിളകൾ നശിപ്പിച്ചിട്ടിരിക്കുന്ന ദയനീയ കാഴ്ചയാണ് കൃഷിയിടങ്ങളിൽ കാണാൻ കഴിയുന്നത്. ഏറ്റവും അധികം പ്രതിസന്ധി നേരിടുന്നത് നാളികേര കർഷകരാണ്. നാളികേരം വെള്ളയ്ക്കയായിരിക്കുമ്പോൾ തന്നെ കുരങ്ങുകൾ ഇവയുടെ വെള്ളം കുടിച്ച ശേഷം വലിച്ചെറിയുന്നു. മാത്രമല്ല മച്ചിങ്ങ പരുവത്തിലുള്ളതുപോലും നശിപ്പിക്കപ്പെടുകയാണ്. കാട്ടുപന്നി, അണ്ണാൻ എന്നിവയും കർഷകർക്ക് വലിയ നാശ നഷ്ടമാണ് വരുത്തിവക്കുന്നത്.

നാളികേരം കൂടാതെ കൊക്കൊ, പുളി,​ ചക്ക,​ മാങ്ങ,​ വാഴ,​ പപ്പായ,​ കപ്പ പച്ചക്കറികൾ എന്നിവയും ഇവ നശിപ്പിക്കുന്നത് പതിവാണ്. കൂട്ടമായി വന്ന കുരങ്ങുകൾ കുറ്റിയാംചാൽ സ്വദേശിയായ ഫ്രാൻസിസ് ചാലിയുടെ കൃഷിയിടത്തെ തെങ്ങിലെ പരുവമാകാത്ത തേങ്ങകൾ എല്ലാം നശിപ്പിച്ചിരിക്കുകയാണ്. വന്യമൃഗശല്യത്തിൽ നിന്നും കർഷകരെ സംരക്ഷിക്കാൻ വനം വകുപ്പ് ഉടൻ നടപടി സ്വീകരിക്കണമെന്ന് കൃഷിയുടമ ഫ്രാൻസിസ് ചാലിൽ പറഞ്ഞു.

You May Also Like

NEWS

കോതമംഗലം :- പൂയംകുട്ടിക്കു സമീപം വെള്ളാരംകുത്തിൽ കാട്ടാനക്കൂട്ടം വീടു തകർത്തു; ഇന്ന് പുലർച്ചെ മൂന്ന് മണിക്കായിരുന്നു സംഭവം. കുട്ടമ്പുഴ പഞ്ചായത്തിലെ വെള്ളാരംകുത്ത് മുകൾ ഭാഗത്ത് താമസിക്കുന്ന രാമചന്ദ്രൻ – ശാരദ ദമ്പതികളുടെ വീടാണ്...

NEWS

കുട്ടമ്പുഴ : ഹൈക്കോടതിയെ വെല്ലുവിളിച്ച് മൂന്നാർ ഡി എഫ് ഒ.ഹൈക്കോടതി വിധി ഉണ്ടെങ്കിലും മലയോര ഹൈവേയിലൂടെ എളബ്ലാശ്ശേരി കുറത്തിക്കുടി വഴിയാത്ര ചെയ്യുന്നവരെ ചെക്ക് പോസ്റ്റിൽ തടയുമെന്ന് മൂന്നാർ ഡി എഫ് ഒ. മലയോര...

NEWS

കോതമംഗലം :- മാമലക്കണ്ടത്ത് പശുക്കളെ തൊഴുത്തിൽ ദുരൂഹ സാഹചര്യത്തിൽ ചത്ത നിലയിൽ കണ്ടെത്തി. ഏലംതാനത്ത് സുജാത സാജു എന്ന കർഷകയുടെ 2 കറവ പശുക്കളാണ് ചത്തത്. ആറ് പശുക്കളാണ് തൊഴുത്തിലുണ്ടായിരുന്നത്. ഒരു പശുവിൻ്റെ...

NEWS

കോതമംഗലം : – പാരിസ്ഥിതിക ഭീഷണി ഉയർത്തുന്ന ഭീമൻ ആഫ്രിക്കൻ ഒച്ചുകളെക്കൊണ്ട് പൊറുതിമുട്ടിയിരിക്കുകയാണ് കുട്ടമ്പുഴ പഞ്ചായത്തിലെ ഉരുളൻതണ്ണി, ക്ണാച്ചേരി പ്രദേശങ്ങൾ. അക്കാറ്റിന ഫൂലിക്ക എന്ന ശാസ്ത്രനാമത്തിൽ അറിയപ്പെടുന്ന ആഫ്രിക്കൻ ഒച്ചുകൾ കൃഷിയിടങ്ങളിലേക്കും, വീടുകളിലേക്കും...