കുട്ടമ്പുഴ: കുട്ടമ്പുഴ പഞ്ചായത്തിലെ നാൽപ്പത്തിയഞ്ച് വയസിനു മുകളിലുള്ളവർക്കായി പഞ്ചായത്ത് നടത്തിവന്ന വാക്സിനേഷൻ ക്യാമ്പ് സമാപിച്ചു. പത്താം വാർഡിൽ എം.എസ് എൽ.പി.സ്കൂളിലും, പതിനൊന്നാം വാർഡിൽ മാമലക്കണ്ടം ഹൈസ്കൂളിലുമാണ് ആരോഗ്യവകുപ്പിൻ്റെ സഹകരണത്തോടെ ക്യാമ്പുകൾ സംഘടിപ്പിച്ചത്. ഇതോടെ പഞ്ചായത്തിൽ നാൽപ്പത്തിയഞ്ച് വയസിനുള്ള എല്ലാവർക്കും വാക്സിൻ നല്കിയതായി പഞ്ചായത്ത് അതികൃതർ അറിയിച്ചു. ക്യാമ്പുകളുടെ ഉദ്ഘാടനം ജില്ലാ പഞ്ചായത്ത് പ്രസിഡൻ്റ് ഉല്ലാസ് തോമസ് നിർവ്വഹിച്ചു.
ഡോ. അനൂപ് തുളസി, ഡോ.ജീന എന്നിവർ ക്യാമ്പിന് നേതൃത്വം നല്കി. പഞ്ചായത്ത് വികസന കാര്യ സ്റ്റാൻ്റിംഗ് കമ്മിറ്റി ചെയർമാൻ സിബി കെ.എ. അധ്യക്ഷത വഹിച്ച ചടങ്ങിൽ പഞ്ചായത്തംഗങ്ങളായ സൽമ പരീത്, ശ്രീജ ബിജു, ജോഷി പൊട്ടക്കൽ, ആരോഗ്യ പ്രവർത്തകരായ കോമള, അഷറഫ്, മഞ്ജു, മെയ് മോൾ ഷേർലി, സിനി, ആശാ വർക്കർമാർ, ആർ.ആർ.ടി.അംഗങ്ങൾ, കോൺഗ്രസ് മണ്ഡലം പ്രസിഡൻ്റ് ബേബി അഗസ്റ്റിൻ, വാർഡ് പ്രസിഡന്റ് കെ.വി.ജോസ്, ബൂത്ത് പ്രസിഡൻ്റ് കെ.എം.എൽദോസ് ,യൂത്ത് കോൺഗ്രസ് മണ്ഡലം ജനറൽ സെക്രട്ടറി അനീഷ് കെ.വി.തുടങ്ങിയവർ പങ്കെടുത്തു.
