കോതമംഗലം :- തങ്കളത്ത് വീടിനോട് ചേർന്ന് സംരക്ഷണ മതിലിലൊളിച്ച കൂറ്റൻ മൂർഖൻ പാമ്പിനെ അതിസാഹസികമായി പിടികൂടി. തങ്കളത്തിന് സമീപം എച്ചിത്തൊണ്ട് റോഡിലുള്ള മോണിയുടെ വീടിനോട് ചേർന്നാണ് കൂറ്റൻ മൂർഖൻ പാമ്പിനെ കണ്ടത്. വീടിൻ്റെ പിറകിൽ അടുക്കളയോട് ചേർന്ന് സംരക്ഷണമതിലിനു മുകളിൽ പാമ്പിനെ കണ്ടെങ്കിലും പിന്നീടത് പൊത്തിലൊളിക്കുകയായിരുന്നു.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
വീട്ടുകാർ ഉടനെ വനംവകുപ്പിൽ വിവരം അറിയിച്ചു. തുടർന്ന് പാമ്പുപിടുത്ത വിദഗ്ദ്ധൻ മാർട്ടിൻ മേക്കമാലി സ്ഥലത്തെത്തി മതിലിന് പിന്നിലെ പൊത്തിലൊളിച്ച മൂർഖനെ കണ്ടെത്തുകയായിരുന്നു. തുടർന്ന് മതിൽ പൊളിച്ചു നീക്കിയാണ് കൂറ്റൻ പാമ്പിനെ ശാസ്ത്രീയ രീതിയിൽ മാർട്ടിൻ ചാക്കിലാക്കിയത്. ഏറെ നേരത്തെ പരിശ്രമത്തിന് ശേഷമാണ് പാമ്പിനെ പിടികൂടാൻ കഴിഞ്ഞ തെന്ന് മാർട്ടിൻ മേക്കമാലി പറഞ്ഞു.
![](https://kothamangalamnews.com/wp-content/uploads/2023/11/kothamangalamnews.png)