ഒരു ചക്കയും നഷ്ടപ്പെടരുതെന്ന മുദ്രാവാക്യം ഉയർത്തി കോതമംഗലത്ത് ചക്കക്കൂട്ടം സംഘടിപ്പിച്ചു.

കോതമംഗലം : കുത്തുകുഴി, അമ്പലപ്പറമ്പിൽ കറുകപ്പിള്ളിൽ ഷാജിയുടെ വീട്ടിൽ  ‘ചക്കക്കൂട്ടം’ സംഘടിപ്പിച്ചു.

കേരളത്തിൽ ഇനി ഒരു ചക്കയും നഷ്ടപ്പെടരുതെന്ന മുദ്രാവാക്യം ഉയർത്തിയാണ് ചക്കക്കൂട്ടം കോതമംഗലത്ത് സംഘടിപ്പിച്ചത്.

ഇന്നത്തെ പരിപാടിയിൽ കണ്ണൂര് നിന്നും കൊല്ലത്തു നിന്നും ചക്കക്കൂട്ടത്തിൻ്റെ പ്രതിനിധികൾ പങ്കെടുത്തു. എന്റെ ചെയർമാൻ ഷിബു തെക്കുമ്പുറം, മുനിസിപ്പൽ വൈസ് ചെയർപേഴ്സൺ സിന്ധു ഗണേശൻ, മറ്റ് കൗൺസിലർമാർ, ചക്കക്കൂട്ടം സ്ഥാപകൻ അനിൽ ജോസ് എന്നിവർ പങ്കെടുത്തു.

293 തരം പ്ലാവുകൾ നട്ടു ലോക റിക്കാർഡ് നേടിയ പാലായിലെ ചക്കമ്പുഴയിലെ jackfruit paradise farm ലെ പ്ലാവ് തോമസ് എന്നറിയപ്പെടുന്ന തോമസ് കട്ടക്കയത്തെ ചടങ്ങിൽ ഉപഹാരം നൽകി ആദരിച്ചു.

ബിഷപ്പ് ഹൗസിനടുത്ത് കറുകപ്പള്ളിൽ ഷാജൻ കുര്യാക്കോസിന്റെയും, ഷോയി കുര്യാക്കോസിന്റെയും വീട്ടിൽ നടന്ന ചക്കക്കൂട്ടത്തിൽ ചക്ക വിഭവങ്ങൾ കൊണ്ട് ഒരുക്കിയ വിരുന്നും വിവിധ ചക്ക ഉത്പ്പന്നങ്ങളുടെ പ്രദർശനവും ഉണ്ടായിരുന്നു.