താലൂക്ക് ആശുപത്രിയുടെ പാർക്കിംഗ് ഗ്രൗണ്ടിൽ നിന്നും ഓട്ടോറിക്ഷ മോഷ്ടിച്ചായാൾ പിടിയിൽ

കോതമംഗലം:  താലൂക്ക് ആശുപത്രിയുടെ പാർക്കിംഗ് ഗ്രൗണ്ടിൽ നിന്നും
ഓട്ടോറിക്ഷ മോഷ്ടിച്ചായാൾ പിടിയിൽ. തൃശ്ശൂർ മരത്താക്കര കോതൂർ കൂടാരം
കോളനിയിൽ താമസിക്കുന്ന കാഞ്ഞിരപ്പിള്ളി മുക്കാലി സ്വദേശി വലിയവീട്ടിൽ
പ്രദീപ് (37) നെയാണ് കോതമംഗലം പോലീസ് അറസ്റ്റ് ചെയ്തത്.

ആശുപത്രിയിൽ ചികിത്സക്കായിവന്ന മുവാറ്റുപുഴ സ്വദേശി ബൈജുവിന്‍റെ ഓട്ടോറിക്ഷയാണ് 18
ന് മോഷണം പോയത്. തൃശ്ശൂർ പാലിയേക്കര ടോൾ പ്ലാസ്സക്ക് സമീപത്തുള്ള
ഓൾഡ് നെന്മണി റോഡിൽ നിന്നും ഓട്ടോ കണ്ടെത്തിയിരുന്നു. ഇൻസ്പെക്ടർ
പി.ടി.ബിജോയിയുടെ നേതൃത്വത്തിലുള്ള അന്വേഷണ സംഘത്തിൽ എസ്.ഐ മാരായ
ആൽബിൻ സണ്ണി. രഘുനാഥ്, എസ്.സി.പി.ഒ മാരായ ടി.ആർ.ശ്രീജിത്ത്, നിയാസ്
മീരാൻ എന്നിവരാണ് ഉണ്ടായിരുന്നത്. കോടതിയിൽ ഹാജരാക്കിയ പ്രതിയെ റിമാൻറ്
ചെയ്തു