കോതമംഗലം: കോതമംഗലം മണ്സൂണ് ഫെസ്റ്റിവലിന്റെ ഭാഗമായി സംഘടിപ്പിച്ച സൈക്ലത്തോണ് 2026 ആവേശം പകര്ന്നു. കോതമംഗലം എംഎല്എ ഓഫീസില് നിന്ന് രാവിലെ എട്ടിന് ജില്ലാ കളക്ടര് ജി. പ്രിയങ്ക ഫ്ലാഗ് ഓഫ് നിര്വഹിച്ച് സൈക്കിള് യാത്രയില് പങ്കെടുത്തു. 300-ഓളം സൈക്കിള് പ്രേമികള് പങ്കെടുത്തു. ഷിബു തെക്കുംപുറം എംഎല്എ, കോതമംഗലം ഡിവിഷന് ഫോറസ്റ്റ് ഓഫീസര് സൂരജ് ബെന്, നാഷണല് എംടിബി കേരള ടീം അംഗങ്ങളായ അഖില് ഗിരീഷ്, ആദിത്യന് പി. നായര്, കേരളത്തില് നിന്ന് കാഷ്മീര് വരെ 4,000 കിലോമീറ്റര് ദൂരം 16 ദിവസം കൊണ്ട് സൈക്കിളില് സഞ്ചരിച്ച ജിസണ് സ്റ്റീഫന് എന്നിവരും സൈക്ലത്തോണില് പങ്കാളികളായി.
മണ്സൂണ് ഫെറ്റ് ഒരുക്കിയിട്ടുള്ള തട്ടേക്കാടിന് സമീപം മിനി സ്വിക്സര്ലന്റ് സൈക്ലത്തോണിന്റെ സമാപന വേദിയായി. സൈക്ലത്തോണില് പങ്കെടുത്തവര്ക്ക് മെഡലുകളും സര്ട്ടിഫിക്കറ്റുകളും വിതരണം ചെയ്തു. സമാപനചടങ്ങില് കുട്ടമ്പുഴ പഞ്ചായത്ത് പ്രസിഡന്റ് മേരി കുര്യാക്കോസ്, ചിഞ്ചു ബിബി, പ്രിയങ്ക ടോമി, മാമച്ചന് ജോസഫ്, പി.സി ജോര്ജ്, ജോഷി പൊട്ടക്കന്, പി.എ പാദുഷ, കെ.ഇ കാസീം എന്നിവര് പങ്കെടുത്തു. സൈക്ലത്തോണിനുള്ള ജേഴ്സി ഫെഡറല് ബാങ്ക്, ജീവ മില്ക്ക്, കെ.പി.ചാക്കോ, വിശാല് ഗോള്ഡ് എന്നിവരാണ് സ്പോണ്സര് ചെയ്തത്.
