കോതമംഗലം : ആൻ്റണി ജോൺ എം എൽ എ യുടെ മദർ തെരേസ പെയിൻ & പാലിയേറ്റീവ് കെയർ പദ്ധതിയുടെ ഭാഗമായി കുട്ടമ്പുഴ പഞ്ചായത്തിന് പാലിയേറ്റീവ് വാഹനം കൈമാറി. ആന്റണി ജോൺ എം എൽ എ നിയോജക മണ്ഡലത്തിൽ നടപ്പിലാക്കിയിട്ടുള്ള സാന്ത്വന പരിചരണ പദ്ധതിയായിട്ടുള്ള മദർ തെരേസ പെയിൻ & പാലിയേറ്റീവ് കെയർ പദ്ധതിയുടെ ഭാഗമായി കുട്ടമ്പുഴ പഞ്ചായത്തിന് പാലിയേറ്റീവ് വാഹനം കൈമാറി. നിയോജക മണ്ഡലത്തിൽ മദർ തെരേസ പെയിൻ & പാലിയേറ്റീവ് കെയർ പദ്ധതിയുടെ ഭാഗമായി കൂടുതൽ തദ്ദേശ സ്വയം ഭരണ സ്ഥാപനങ്ങൾക്ക് തുടർച്ചയിൽ പാലിയേറ്റീവ് വാഹനം ഉൾപ്പെടെയുള്ള സൗകര്യം ഒരുക്കി നൽകും. അതോടൊപ്പം തന്നെ സാന്ത്വന പരിചരണ രംഗത്ത് പ്രവർത്തിക്കുന്ന വോളന്റിയർമാർക്ക് പരിശീലന പരിപാടികൾ ഉൾപ്പെടെ ഈ പദ്ധതിയുടെ ഭാഗമായി നടപ്പിലാക്കും. ഈ പദ്ധതിയുടെ ഭാഗമായി തന്നെ നേരത്തെ നെല്ലിക്കുഴി പഞ്ചായത്തിന് പാലിയേറ്റീവ് വാഹനം കൈമാറിയിരുന്നു.
കുട്ടമ്പുഴയിൽ നടന്ന ചടങ്ങിൽ ആന്റണി ജോൺ എം എൽ എ പഞ്ചായത്ത് പ്രസിഡൻ്റ് കാന്തി വെള്ളക്കയ്യന് വാഹനത്തിന്റെ താക്കോൽ കൈമാറി.ചടങ്ങിൽ പഞ്ചായത്ത് വൈസ് പ്രസിഡൻ്റ് ബിൻസി മോഹനൻ,ജില്ലാ പഞ്ചായത്ത് മെമ്പർ കെ കെ ദാനി,ബ്ലോക്ക് പഞ്ചായത്ത് മെമ്പർ കെ കെ ഗോപി,പഞ്ചായത്ത് മെമ്പർമാരായ കെ എ സിബി,ബിനേഷ് നാരായണൻ,ഡെയ്സി ജോയി,ആലീസ് സിബി,കുട്ടമ്പുഴ സർവീസ് സഹകരണ ബാങ്ക് പ്രസിഡന്റ് കെ കെ ശിവൻ,കെ റ്റി പൊന്നച്ചൻ,റ്റി സി റോയി,കെ ജെ ജോസ് എന്നിവർ സന്നിഹിതരായിരുന്നു.
