കോതമംഗലം:കുത്തുകുഴിയില് ലോഡ്ജിന് മുന്നിൽ പാര്ക്ക് ചെയ്തിരുന്ന ജീവനക്കാരൻ്റെ ബൈക്ക് മോഷ്ടാക്കൾ കവർന്നു. തിങ്കളാഴ്ച രാത്രിയാണ് ബൈക്ക മോഷണം നടന്നത്. ദേശീയപാതയോരത്തെ ലോഡ്ജിന് മുന്നിൽ പാര്ക്ക് ചെയ്തിരുന്ന ബൈക്ക് ഹെല്മെറ്റ് ധരിച്ചെത്തിയ രണ്ട് യുവാക്കള് ചേര്ന്ന് തള്ളികൊണ്ടുകൊണ്ടുപോകുന്നതിന്റെ ദൃശ്യം സിസിടിവി ക്യാമറയില് പതിഞ്ഞിട്ടുണ്ട്. പരിസരമെല്ലാം നിരീഷിച്ചശേഷമാണ് യുവാക്കള് ബൈക്കുമായി കടന്നത്.
ഇവരും ബൈക്കിലാണ് എത്തിയതെന്നാണ് സൂചന. ലോഡ്ജില് പാര്ടൈം ജോലി ചെയുന്ന നെല്ലിക്കുഴി ഇന്ദിരാഗാന്ധി കോളേജിലെ വിദ്യാര്ത്ഥിയായ തൃശ്ശൂര് സ്വദേശി ക്രൈസ്റ്റ് ലീയുടേതാണ് ബൈക്ക്. സ്ഥിരമായി ലോഡ്ജിന് മുന്നിലാണ്പാര്ക്ക് ചെയ്യാറുണ്ടായിരുന്നത്. ഹാന്റില് ലോക്ക് ഉപയോഗിച്ചിരുന്നില്ല. കോതമംഗലം പോലിസ് കേസ്സെടുത്ത് അന്വേക്ഷണം ആരംഭിച്ചു. പരിസരത്തെ മറ്റ് സിസിടിവി ക്യാമറകളുടെ ദൃശ്യങ്ങള് പരിശോധിച്ച് മോഷ്ടാക്കളെ കണ്ടെത്താനുള്ള ശ്രമം നടക്കുന്നുണ്ട്.
