കുട്ടമ്പുഴ: യൂത്ത് കോൺഗ്രസ് കുട്ടമ്പുഴ മണ്ഡലം കമ്മിറ്റിയുടെ ആഭിമുഖ്യത്തിൽ യൂത്ത് കെയറിന്റെ ഭാഗമായി മിഷൻ വെയ്റ്റിംഗ് ഷെഡ്സ് ക്ലീനിംഗ് എന്ന പേരിൽ പഞ്ചായത്തിന്റെ വിവിധ മേഖലകളിലുള്ള വെയ്റ്റിംഗ് ഷെഡ്ഡുകൾ കഴുകി വൃത്തിയാക്കി അണുനാശിനി തളിച്ചു കൊണ്ട് സംഘടിപ്പിച്ചു. പൂയംകുട്ടി, കപ്പേളപ്പടി, പള്ളിത്താഴം, ഈസ്റ്റ് കൂവപ്പാറ, കമ്പിപ്പാലം, നൂറേക്കർ കവല, ഉരുളൻതണ്ണി കവല, കുട്ടമ്പുഴ സ്കൂൾപടി എന്നിവിടങ്ങളിലെ വെയ്റ്റിംഗ് ഷെഡുകൾ യൂത്ത് കോൺഗ്രസ് പ്രവർത്തകർ കഴുകി വൃത്തിയാക്കി അണുനാശിനി തളിച്ചു.
മണ്ഡലം പ്രസിഡന്റ് അഡ്വ.ലിബിൻ സെബാസ്റ്റ്യന്റെ നേതൃത്വത്തിൽ, പൂയംകുട്ടി വാർഡ് മെമ്പർ ഫ്രാൻസിസ് ആന്റണി, യൂത്ത് കെയർ കോ- ഓർഡിനേറ്റർമാരായ ജിൻറ്റോ ജോസ്, എൽദോസ് സ്റ്റീഫൻ, സിബി സേവ്യർ എന്നിവർ നേതൃത്വം നൽകി.
