പല്ലാരിമംഗലം : വേനൽ കനത്തതോടെ കുടിവെള്ളക്ഷാമം രൂക്ഷമായ പല്ലാരിമംഗലത്ത്
ഡി വൈ എഫ് ഐ അടിവാട് മേഘലാ കമ്മിറ്റിയുടെ നേതൃത്വത്തിൽ വാഹനത്തിൽ കുടിവെള്ള വിതരണം ആരംഭിച്ചു. പല്ലാരിമംഗലം പഞ്ചായത്തിലെ അടിവാട്, പുലിക്കുന്നേപ്പടി, കുടമുണ്ട, ഈട്ടിപ്പാറ, പൈമറ്റം തുടങ്ങിയ പ്രദേശങ്ങളിലാണ് കുടിവെള്ളക്ഷാമം രൂക്ഷമായിരിക്കുന്നത്. സമീപ പഞ്ചായത്തായ വാരപ്പെട്ടി ഉൾപ്പെടെയുള്ള പ്രദേശങ്ങളിൽ കഴിഞ്ഞ അഞ്ച്ദിവസമായി കുടിവെളള വിതരണം ആരംഭിച്ചെങ്കിലും പല്ലാരിമംഗലത്ത് പഞ്ചായത്ത് അധികാരികൾ ഈ കൊറോണനാളിലും നാട്ടുകാരുടെ കുടിവെള്ളംവേണമെന്ന ആവശ്യം കണ്ടില്ലെന്ന് നടിക്കുകയായിരുന്നു. ഈ സാഹചര്യത്തിലാണ് ഡി വൈ എഫ് ഐ കുടിവെള്ള വിതരണം ആരംഭിച്ചത്.
സി പി ഐ എം പല്ലാരിമംഗലം ലോക്കൽ സെക്രട്ടറി എം എം ബക്കർ, ബ്ലോക് പഞ്ചായത്തംഗം
ഒ ഇ അബ്ബാസ്, ഡി വൈ എഫ് ഐ മേഘലാ സെക്രട്ടറി യു എ സുധീർ, കെ എം ഷാജി,
പി എം കബീർ, ആതിൽഷാ മുഹമ്മദ്, കെ എ റെയ്ഷാൻ എന്നിവർ കുടിവെള്ള വിതരണത്തിന് നേതൃത്വം നൽകി.
