പല്ലാരിമംഗലം : സംസ്ഥാന സർക്കാർ പൊതുവിദ്യാഭ്യാസ വകുപ്പ് നടപ്പിലാക്കുന്ന പൊതുവിദ്യാഭ്യാസ സംരക്ഷണ യജ്ഞ പ്രവർത്തനങ്ങളുടെ ഫലമായി അക്കാദമിക രംഗത്തും, ഭൗതികരംഗത്തും വിദ്യാർത്ഥികൾ നേടിയ മികവുകൾ പൊതുസമൂഹത്തെ ബോധ്യപ്പെടുത്തുന്നതിനായി സംസ്ഥാനത്താകെ സംഘടിപ്പിക്കുന്ന പഠനോത്സവത്തിന്റെ പല്ലാരിമംഗലം പഞ്ചായത്ത്തല ഉദ്ഘാടനം മാവുടി എൽ പി സ്കൂളിൽ നടത്തി. പല്ലാരിമംഗലം ഗ്രാമപഞ്ചായത്ത് പ്രസിഡന്റ് പി കെ മൊയ്തു ഉദ്ഘാടനം ചെയ്തു.ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ പി എം സിദ്ധീഖ് അദ്ധ്യക്ഷത വഹിച്ചു. ബ്ലോക്പഞ്ചായത്തംഗം
ഒ ഇ അബ്ബാസ് ഹരിത പ്രോട്ടോകോൾ പ്രഖ്യാപനം നടത്തി.
പോത്താനിക്കാട് ഫാർമേഴ്സ് സഹകരണ ബാങ്ക് ഡയറക്ടർ ബോർഡംഗം എം പി ഷൗക്കത്തലി, ബി ആർ സി കോഓർഡിനേറ്റർ സിനി ടീച്ചർ, ഹെഡ്മിസ്ട്രസ് യു എ ഫാത്തിമാബീവി, സ്കൂൾ ലീഡർ സഞ്ചൽ സനിൽ എന്നിവർ പ്രസംഗിച്ചു. ഗ്രാമപഞ്ചായത്ത് വൈസ് പ്രസിഡന്റ് നിസാമോൾ സിദ്ധീഖ് സ്വാഗതവും, എം പി റ്റി എ ചെയർപേഴ്സൺ ആശ സുനിൽ കൃതജ്ഞതയും പറഞ്ഞു.
You must be logged in to post a comment Login