കോതമംഗലം: കാട് തെളിക്കുകയോ നവീകരണം നടത്തുകയോ ചെയ്യാത്തതിനാൽ കീരമ്പാറ ഊഞ്ഞാപ്പാറ ഭാഗത്ത് ജനവാസമേഖലയിലൂടെയുള്ള പെരിയാര്വാലിയുടെ ബ്രാഞ്ച് കനാലും പരിസരങ്ങളും ഇഴ ജന്തുക്കളുടെ ആവാസമേഖലയായി മാറി. പ്രദേശമാകെ കാടുമൂടിയിരിക്കുകയാണ്.
ഇതാണ് പാമ്പുകള് താവളമാക്കാന് കാരണം. ഏറെകാലമായി കാട് വെട്ടിയിട്ടില്ല. മൂര്ഖനും അണലിയും ഉള്പ്പടെയുളള വിഷ പാമ്പുകള് ഇവിടെ സ്ഥിരം സാന്നിദ്ധ്യമാണ്. റോഡിലേക്കും പുരയിടങ്ങളിലേക്കും വീടുകളിലേക്കും പാമ്പുകള്കടന്നുകയറുന്നതുമൂലം നാട്ടുകാര് ഭീതിയോടെയാണ് കഴിയുന്നത്.
കാട് വെട്ടിമാറ്റി ഇഴജന്തുക്കളുടെ ശല്യത്തില് നിന്നും രക്ഷിക്കണമെന്നാണ് നാട്ടുകാര് ആവശ്യപ്പെടുന്നത്. കഴിഞ്ഞ ദിവസം ഉച്ചക്ക് ക കനാലില് നിന്നും കരക്കുകയറിയ മലമ്പാമ്പ് സമീപത്തെ പുരയിടത്തിലേക്ക് നീങ്ങുമ്പോഴാണ് നാട്ടുകാരുടെ ശ്രദ്ധയില്പ്പെട്ടത്. തുടര്ന്ന് വനംവകുപ്പ് ഉദ്യോഗസ്ഥരെ വിവരം അറിയിക്കുകയായിരുന്നു.
കോതമംഗലത്തുനിന്നെത്തിയ ആര്.ആര്.ടി സംഘമാണ് പാമ്പിനെ പിടികൂടിയത്. പാമ്പ് ശല്യത്തിൽ നിന്നും പ്രദേശത്തെ രക്ഷിക്കാൻ പഞ്ചായത്ത് ഇടപെട്ട് പെരിയാർ വാലിയുടെ കാട് വെട്ടി തെളിക്കണമെന്നാണ് നാട്ടുകാരുട ആവശ്യം.
