ടോറസും ബൈക്കും കൂട്ടിയിടിച്ച് യുവ നേതാവ് മരണപ്പെട്ടു

കല്ലൂർക്കാട്:  ഇന്ന് രാവിലെ ടോറസ് ലോറി ഇടിച്ച് കല്ലൂർക്കാട് ഡി വൈ എഫ് ഐ മേഖലാ സെക്രട്ടറി മരിച്ചു . കല്ലൂർക്കാട് മറ്റപ്പിള്ളിയിൽ പൗലോസിന്റെ മകൻ ജിംസൺ ( 24 )നാണ് മരിച്ചത് . ഇന്ന് രാവിലെ പത്തരയോടെ കല്ലൂർക്കാട് പോലീസ് സ്റ്റേഷന് സമീപത്തായിരുന്നു നാടിനെ നൊമ്പരപ്പെടുത്തിയ അപകടം നടന്നത്. ബൈക്കിൽ ഇടിച്ചശേഷം ടോറസ് ലോറി ജിംസന്റെ ദേഹത്തു കൂടി കയറിയിറങ്ങുകയായിരുന്നു  എന്ന് ദൃക്‌സാക്ഷികൾ വെളിപ്പെടുത്തുന്നു. ഉടനെതന്നെ കല്ലൂർക്കാട് പോലീസും ഫയർ ഫോഴ്സസും സ്ഥലത്തെത്തി ജിംസനെ മുവാറ്റുപുഴ താലൂക്ക്  ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കുവാൻ സാധിച്ചില്ല. പ്രാഥമിക നിയമ നടപടികൾക്ക് ശേഷം സംസ്കാരം നാളെ കല്ലൂർക്കാട് സൈന്റ്റ് അഗസ്റ്റിൻ കാത്തോലിക്ക പള്ളിയിൽ രാവിലെ 11 മണിക്ക്.