കോതമംഗലം: കിഴക്കന്‍ മേഖലയിലെ വന്യമൃഗ ശല്യം ശാശ്വതമായി പരിഹരിക്കാന്‍ സര്‍ക്കാര്‍ നടപടിയെടുക്കണമെന്ന് കേരള സംസ്ഥാന വ്യാപാരി വ്യവസായി സമിതി ജില്ലാ സമ്മേളനത്തിന്റെ ഭാഗമായി നടന്ന പ്രതിനിധി സമ്മേളനം ആവശ്യപ്പെട്ടു. ആലുവ – മൂന്നാര്‍ പാത ഉടന്‍ നിര്‍മ്മാണം പൂര്‍ത്തീകരിക്കണമെന്നും, ജന്തര്‍ മന്തര്‍ സമരത്തിന് ഐക്യദാര്‍ഢ്യം പ്രഖ്യാപിക്കുന്നതായും സമ്മേളനം അറിയിച്ചു. കോതമംഗലം കലാ ഓഡിറ്റോറിയത്തില്‍ നടന്ന സമ്മേളനം സമിതി സംസ്ഥാന സെക്രട്ടറി ഇ.എസ് ബിജു ഉദ്ഘാടനം ചെയ്തു.
ജില്ലാ പ്രസിഡന്റ് റോബിന്‍ ജോണ്‍ അധ്യക്ഷതവഹിച്ചു. ജില്ലാ സെക്രട്ടറി ടി.എം അബ്ദുല്‍ വാഹിദ് പ്രവര്‍ത്തന റിപ്പോര്‍ട്ടും, സംസ്ഥാന ജോയിന്റ് സെക്രട്ടറി കെ.എം ലെനിന്‍ സംഘടന റിപ്പോര്‍ട്ടും അവതരിപ്പിച്ചു. സിപിഎം ജില്ലാ സെക്രട്ടറി എസ്. സതീഷ്, ജില്ലാ സെക്രട്ടറിയേറ്റ് അംഗം ആര്‍.അനില്‍കുമാര്‍, സംഘാടകസമിതി ചെയര്‍മാന്‍ കെ.എ ജോയി, സി.കെ ജലീല്‍, സീനത്ത് ഇസ്മയില്‍, ടി.വി ബൈജു, പി.എ നാദിര്‍ഷ, കെ.എം പരീത്, കെ.കെ ആസാദ് എം.യു അഷ്‌റഫ്, കെ.എ നൗഷാദ്, യാസര്‍ അരാഫത്ത് തുടങ്ങിയവര്‍ പ്രസംഗിച്ചു. ബുധനാഴ്ച വൈകിട്ട് നടക്കുന്ന പ്രകടനത്തിനുശേഷം കോതമംഗലം ടൗണില്‍ നടക്കുന്ന പൊതുസമ്മേളനം മുന്‍ മന്ത്രി വി.എന്‍ വാസവന്‍ ഉദ്ഘാടനം ചെയ്യും .സ്വാഗതസംഘം ചെയര്‍മാന്‍ കെ.എ ജോയി അധ്യക്ഷത വഹിക്കും.
