കോതമംഗലം: യുവജനക്ഷേമ ബോര്‍ഡും, കോതമംഗലം നഗരസഭയും സംയുക്തമായി സംഘടിപ്പിക്കുന്ന കേരളോത്സവം ചിലമ്പ് 2026 ന് ആവേശകരമായ തുടക്കം. കലാമത്സരങ്ങളുടെ ഉദ്ഘാടനം ലയണ്‍സ് ക്ലബ് ഹാളില്‍ ഷിബു തെക്കുംപുറം എംഎല്‍എ നിര്‍വഹിച്ചു.
കേരളോത്സവത്തിന്റെ ഭാഗമായി നടന്ന 20-20 ക്രിക്കറ്റ് മത്സരത്തില്‍ റോയല്‍ സ്‌ട്രൈക്കേഴ്‌സ് ചിറപ്പടി ജേതാക്കളായി. വാശിയേറിയ പോരാട്ടത്തില്‍ കോസ്മിക് റേഞ്ചേഴ്‌സ് വെണ്ടുവഴിയെയാണ് പരാജയപ്പെടുത്തിയത്.
ഫുട്‌ബോള്‍ മത്സരത്തില്‍ എംസിബി മിനിപ്പടിയെ ട്രൈബ്രേക്കറില്‍ പരാജയപ്പെടുത്തി കോസ്മിക് റേഞ്ചേഴ്‌സ് വെണ്ടുവഴി ചാമ്പ്യന്മാരായി. നഗരസഭാതല മത്സരങ്ങളില്‍ വിജയികളാകുന്നവര്‍ ജില്ലാതല കേരളോത്സവത്തില്‍ കോതമംഗലത്തെ പ്രതിനിധീകരിച്ച് മത്സരിക്കും.
നഗരസഭാ ചെയര്‍പേഴ്‌സണ്‍ ഭാനുമതി രാജു അധ്യക്ഷത വഹിച്ചു. വൈസ് ചെയര്‍മാന്‍ പ്രിന്‍സ് വര്‍ക്കി മുഖ്യപ്രഭാഷണം നടത്തി. സ്ഥിരംസമിതി അധ്യക്ഷന്മാരായ അനൂപ് ജോര്‍ജ്, സിന്ധു ജിജോ, ജോര്‍ജ് അമ്പാട്ട്, ഡോ. ആഷ്ലി ജോസഫ്, പ്രോഗ്രാം കോ-ഓര്‍ഡിനേറ്റര്‍ എല്‍ദോസ് കീച്ചേരി, കൗണ്‍സിലര്‍മാര്‍ തുടങ്ങിയവര്‍ പങ്കെടുത്തു.
