കവളങ്ങാട്: മൂവാറ്റുപുഴ വാലി ഇറിഗേഷൻ പ്രോജക്ട് (എം.വി. ഐ.പി) എറണാകുളം, കോട്ടയം, ഇടുക്കി ജില്ലകളിലെ കൃഷി ആവശ്യങ്ങൾക്കും കുടിവെള്ള വിതരണത്തിനുമായി നടപ്പിലാക്കിയ പ്രധാനപ്പെട്ട ഒരു ജലസേചന പദ്ധതിയാണ്. കോതമംഗലം താലുക്കിലെ പോത്താനിക്കാട്, പല്ലാരിമംഗലം, വാരപ്പെട്ടി,പൈങ്ങോട്ടൂർ പഞ്ചായത്തുകളിലെ കൃഷി ആവശ്യങ്ങൾക്കും കുടിവെള്ള വിതരണത്തിനുമായി വേനൽക്കാലത്ത് പ്രധാനമായും ഉപയോഗിക്കുന്നത് എം വി ഐ പി കാനാലിലെ വെള്ളമാണ്.
കാലാവസ്ഥ വ്യതിയാനം മൂലം ഈ പഞ്ചായത്തുകളിൽ കൃഷിക്കും,കുടിവെള്ളത്തിനും ബുദ്ധിമുട്ട് അനുഭവിക്കുന്നുണ്ട്. കൃഷിക്ക് ആവശ്യമായ വെളളം ലഭിക്കാത്തതിനാൽ പല കർഷകരും ഇക്കുറി നെൽക്യഷിയിൽ നിന്നും പിൻവാങ്ങുന്ന സ്ഥിതിയാണ്. അതിനാൽ അടിയന്തരമായി കനാൽ വൃത്തിയാക്കി വൈള്ളം തുറനു വിടാൻ എംവിഐപി അധിക്യതർ തയ്യാറാകണമെന്ന് കർഷക സംഘം കവളങ്ങാട് എരിയാ കമ്മിറ്റി പ്രസ്ഥാനയിൽ അറിയിച്ചു.
