കോതമംഗലം: മാര് അത്തനേഷ്യസ് എന്ജിനീയറിംഗ് കോളേജിലെ ഇലക്ട്രിക്കല് ആന്റ് ഇലക്ട്രോണിക്സ് എന്ജിനീയറിംഗ് വിഭാഗത്തിന്റെ നേതൃത്വത്തില് സംഘടിപ്പിക്കുന്ന ആറു ദിവസത്തെ ദേശീയ അധ്യാപക പരിശീലന പരിപാടിക്ക് തുടക്കമായി. ആര്ട്ടിഫിഷ്യല് ഇന്റലിജന്സ്, ഇന്റലക്ച്വല് പ്രൊപര്ട്ടി റൈറ്റ്സ്, വികസിച്ചുവരുന്ന സാങ്കേതികവിദ്യകള് എന്നിവയിലൂടെ ഗവേഷണവും നവീകരണവും ശാക്തീകരിക്കുക എന്ന വിഷയത്തിലാണ് പരിശീലനം സംഘടിപ്പിക്കുന്നത്.
ഇന്സ്റ്റിറ്റ്യൂട്ട് ഓഫ് ഇലക്ട്രിക്കല് ആന്റ് ഇലക്ട്രോണിക്സ് എഞ്ചിനീയേഴ്സ് പവര് ആന്റ് എനര്ജി സൊസൈറ്റി കേരള ചാപ്റ്ററിന്റെ സാങ്കേതിക സഹകരണത്തോടെയാണ് പരിപാടി നടത്തുന്നത്.മദ്രാസ് ഇന്ഡ്യന് ഇന്സ്റ്റിറ്റ്യൂട്ട് ഓഫ് ടെക്നോളജി മാനേജ്മെന്റ് സ്റ്റഡീസ് വിഭാഗം അസിസ്റ്റന്റ് പ്രൊഫ. ഡോ.ബി. വിപിന് ഉദ്ഘാടനം ചെയ്ത് ആദ്യദിനത്തിലെ പരിശീലനത്തിന് നേതൃത്വം നല്കി.
കോളേജ് പ്രിന്സിപ്പല് ഡോ. ബോസ് മാത്യു ജോസ് അദ്ധ്യക്ഷത വഹിച്ചു. ഇലക്ട്രിക്കല് ആന്റ് ഇലക്ട്രോണിക്സ് എന്ജിനീയറിംഗ് വിഭാഗം മേധാവി ഡോ. സിനി പോള്, ഡോ. ഇമ്മാനുവല് ബാബു, ഡോ. സച്ചിന് ജീ. പോള്, പ്രൊഫ. ലിനു ജോസ് എന്നിവര് പ്രസംഗിച്ചു. രാജ്യത്തെ പ്രമുഖ വിദ്യാഭ്യാസ സ്ഥാപനങ്ങളില് നിന്നുള്ള അധ്യാപകരും വിദഗ്ധരും വിവിധ വിഷയങ്ങളില് ക്ലാസ് നയിക്കും. സാങ്കേതികരംഗത്തെ പുതിയ മാറ്റങ്ങളും ഗവേഷണ സാധ്യതകളും അധ്യാപകരിലേക്ക് എത്തിക്കുകയാണ് പരിശീലന പരിപാടിയുടെ ലക്ഷ്യം.
