കോതമംഗലം: ഊന്നുകല് – നേര്യമംഗലം റോഡില് പെരിയാര് നീന്തി കടന്ന് ഇക്കരെ എത്തുന്ന കാട്ടാന കൂട്ടങ്ങളെ തുരത്താന് വനപാലക സംഘം എത്തി. തട്ടേക്കാട് പക്ഷി സങ്കേതം വനമേഖലയില് നിന്നും നേര്യമംഗലം വനമേഖലയില് നിന്നും ഊന്നുകല്, ആവോലിച്ചാല്, നമ്പൂരി കൂപ്പ്, ഉപ്പുകുളം എന്നിവിടങ്ങളില് കാട്ടാന കൂട്ടം എത്തുന്നുണ്ട്. ഈ ജനവാസ മേഖലകളില് കാട്ടാന കൂട്ടങ്ങളുടെ സാനിധ്യം രാത്രിയും പകലും സ്ഥിരമായതോടെ നാട്ടുകാര് ഭീതിയിലാണ്.
നാട്ടുകാരുടെ സ്ഥിരം പരാതിയെ തുടര്ന്നാണ് കോതമംഗലം റേഞ്ചിലെ വനപാലരും വനം വകുപ്പ് ആര്ആര്റ്റി അംഗങ്ങളും അടങ്ങുന്ന സംഘം കാട്ടാന കൂട്ടങ്ങളെ തുരത്തുന്നതിന് തോക്കുകളും സന്നാഹങ്ങളുമായി ഇറങ്ങിയത്. ഊന്നുകല് – നേര്യമംഗലം റോഡിലെ ഗതാഗതം നിയന്ത്രിച്ചായിരുന്നു വനപാലകരുടെ നടപടികള് തുടങ്ങിയത്. ഇതോടെ കാട്ടാന ശല്യത്തിന് താല്ക്കാലിക ശമനമാകുമെന്ന പ്രതീക്ഷയിലാണ് നാട്ടുകാര്
