കോതമംഗലം: ചേലാടിന് സമീപം കരിങ്ങഴയില്‍ നിര്‍ത്തിയിട്ട പിക്കപ്പ് വാനിന് പിന്നില്‍ സ്‌കൂട്ടര്‍ ഇടിച്ച് യുവാവ് മരിച്ചു. പുന്നേക്കാട് കൈതവേലില്‍ ജോണിന്റെ മകന്‍ ജിതിന്‍ (38) ആണ് മരിച്ചത്. വെള്ളിയാഴ്ച രാത്രിയി 11നാണ് അപകടം. പിക്ക്പ്പ വാന്‍ റോഡരുകില്‍ നിര്‍ത്തയിട്ട് പഞ്ചറായ ടയര്‍ മാറ്റുകയായിരുന്നു. മഴ ആയിരുന്നതിനാല്‍ വാഹനം ജിതിന്റെ ശ്രദ്ധയില്‍പ്പട്ടില്ലെന്നാണ് നിഗമനം. ഗുരുതര പരിക്കേറ്റ ജിതിനെ ഉടന്‍ കോതമംഗലത്തെ ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു. ഇന്റീരിയര്‍ വര്‍ക്കറായ ജിതിന്‍ പണി സ്ഥലത്തുനിന്ന് വീട്ടിലേക്ക് പോകുമ്പോഴാണ് അപകടത്തില്‍പ്പെട്ടത്. സംസ്‌കാരം നടത്തി.
ഭാര്യ: അനറ്റ് കീഴില്ലം എരമത്തുകുടി കുടുംബാംഗം. മകന്‍: ആഷര്‍
