കോതമംഗലം: പ്രിയദര്ശിനി പദ്ധതിയുമായി ബന്ധപ്പെട്ട സ്വകാര്യ ബസ് മേഖലയിലുണ്ടായ പ്രതിസന്ധി പരിഹരിക്കണമെന്നാവശ്യപ്പെട്ട് കോതമംഗലത്ത് പ്രൈവറ്റ് ബസ് ഫെഡറേഷന് ധര്ണ്ണ നടത്തി. ഇല്ലാത്തപക്ഷം കെഎസ്ആര്ടിസിയെ പോലെ തന്നെ പ്രൈവറ്റ് ബസുകളിലും സ്ത്രീകള്ക്ക് സീറോ ടിക്കറ്റ് യാത്ര ചെയ്യാന് അവസരമൊരുക്കുകയും, ഈ തുക സര്ക്കാര് പ്രൈവറ്റ് ബസ് ഉടമകള്ക്ക് നല്കുകയും ചെയ്യുക, ഒരേ സ്ഥലങ്ങളില് ആവശ്യത്തിലധികം കെഎസ്ആര്ടിസി ബസുകള് സര്വീസ് നടത്തുന്നുണ്ട് ഈ ബസ്സുകള് പിന്വലിക്കുക തുടങ്ങിയ ആവശ്യങ്ങള് ഉന്നയിച്ചാണ് ധര്ണ സമരം നടത്തിയത്.
കോതമംഗലം ഫെഡറേഷന് സംസ്ഥാന ജനറല് സെക്രട്ടറി ശരണ്യ മനോജ് ധര്ണ്ണ ഉദ്ഘാടനം ചെയ്തു. ധര്ണ സമരത്തില് പ്രസിഡന്റ് ജോജി, സെക്രട്ടറി നവാസ് തുടങ്ങിയവര് പങ്കെടുത്തു. വ്യവസായം നിലനില്ക്കുന്നതിനായി സര്ക്കാര് നിര്ദ്ദേശിക്കുന്ന നിബന്ധനകള്ക്ക് വിധേയമായി ഗവണ്മെന്റ് പ്രിയദര്ശിനി മൂലം പ്രതിസന്ധിയിലായ ബസ്സുകള് വാടകയ്ക്ക് നല്കാന് തയ്യാറാണെന്ന് ഉടമകള് അറിയിച്ചു.
