കോതമംഗലം: നെല്ലിക്കുഴി നങ്ങേലിപ്പടിയില് വൈദ്യുത സര്വീസ് ലൈന് വലിക്കുന്നതിനായി പോസ്റ്റില് കയറി ബോധരഹിതനായി കുരുങ്ങിയ ലൈന്മാനെ ഫയര് ഫോഴ്സ് സംഘം രക്ഷപ്പെടുത്തി ആശുപത്രിയിലെത്തിച്ചു. ലൈന്മാന് ഹസന് ആണ് ബോധരഹിതനായി പോസ്റ്റില് കുടുങ്ങിയത്. നെല്ലിക്കുഴി നങ്ങേലിപ്പടിയില് നായികമാവുടി യൂനസിന്റെ വീട്ടിലേക്ക് സര്വീസ് ലൈന് വലിക്കുന്നതിനിടെ ഉച്ചക്ക് ഒന്നോടെയിരുന്നു അപകടം.
വിവരം അറിയിച്ചതിനെ തുടര്ന്ന് ഉടന്തന്നെ കോതമംഗലം അഗ്നി രക്ഷാനിലയത്തില് നിന്ന് സേനാംഗങ്ങളെത്തി പോസ്റ്റില് കയറി റെസ്ക്യൂ നെറ്റ് ഉപയോഗിച്ച് ലൈന്മാനെ സുരക്ഷിതമായി താഴെ ഇറക്കി ആശുപത്രിയില് പ്രവേശിപ്പിക്കുകയായിരുന്നു. ചികിത്സയും വിശ്രമവും നല്കി യൂനസിനെ വിട്ടയച്ചു.അസിസ്റ്റന്റ് സ്റ്റേഷന് ഓഫീസര് സതീഷ് ജോസ്, സീനിയര് ഫയര് ആന്ഡ് റെസ്ക്യൂ ഓഫീസര് സിദ്ധീഖ് ഇസ്മായില്, സ്റ്റേഷന് ഓഫീസര് മുഹമ്മദ് അജ്മല് ഷാ,ഫയര് ആന്റ് റെസ്ക്യൂ ഓഫീസര്മാരായ കെ.പി ഷമീര്, ഒ.എ ആബിദ്, സായി അനുരാഗ്, ഒ.ജി രാഗേഷ് കുമാര്, പി.കെ ശ്രീജിത്ത്, ഹോംഗാര്ഡ്മാരായ സി. ഉണ്ണികൃഷ്ണന്, എം.സേതു എന്നിവരാണ് രക്ഷാപ്രവര്ത്തനം നടത്തിയത്.
