നേര്യമംഗലം: കൊച്ചി – ധനുഷ്കോടി ദേശീയപാതയില് നേര്യമംഗലത്ത് നിയന്ത്രണം നഷ്ടപ്പെട്ട ടോറസ് ലോറി കടയിലേക്ക് ഇടിച്ചു കയറി അപകടം. ദേശീയപാത പുനരുദ്ധാരണ പ്രവര്ത്തനങ്ങളുടെ ഭാഗമായി കോണ്ക്രീറ്റ് സ്ലാബുകളുമായി വന്ന ലോറിയാണ് അപകടത്തില്പ്പെട്ടത്. വ്യാഴാഴ്ച രാത്രി ഒന്പതോടെയാണ്നഗരത്തിലെ ഇലക്ട്രിക്കല് കടയുടെ മുന്ഭാഗത്തേക്കാണ് ലോറി ഇടിച്ചു കയറിയത്.
വാഹനത്തിന്റെ നിയന്ത്രണം പെട്ടെന്ന് നഷ്ടപ്പെട്ടതാണ് അപകടത്തിന് കാരണമായതെന്നാണ് പ്രാഥമിക നിഗമനം. അപകടസമയത്ത് കടയുടെ മുന്പിലോ സമീപത്തോ ആളുകള് ഇല്ലാതിരുന്നത് വലിയ ദുരന്തം ഒഴിവാക്കി. അപകടത്തില് ആര്ക്കും പരിക്കുകളില്ല. കടയുടെ മുന്പിലെ ബോര്ഡുകള്ക്കും തൂണിനും നാശനഷ്ടങ്ങള് സംഭവിച്ചിട്ടുണ്ട്.
