കാർ വർക്ക് ഷോപ്പിൽ നിന്നും മോട്ടോർ മോഷ്ടിച്ചയാളെ പിടികൂടി

പെരുമ്പാവൂർ : കാർ വർക്ക് ഷോപ്പിൽ നിന്നും മോട്ടോർ മോഷ്ടിച്ചയാളെ പിടികൂടി. ഇരിങ്ങോൾ വൈദ്യശാലപ്പടിക്ക് തെക്ക് വശം ആട്ടായം വീട്ടിൽ അനിൽ (41) നെയാണ് പെരുമ്പാവൂർ പോലീസ് പിടികൂടിയത്. ഞായറാഴ്ച ഇരിങ്ങോൾ പട്ടാൽ ഭാഗത്തുള്ള കാർ വർക്ക് ഷോപ്പിൽ നിന്നുമാണ് മോട്ടോർ മോഷ്ടിച്ചത്. മുൻപ് കുറുപ്പംപടി പോലീസ് സ്‌റ്റേഷനിൽ രജിസ്റ്റർ ചെയ്ത മോഷണ കേസിലും ഇയാൾ പ്രതിയായിരുന്നു. ഇൻസ്പെക്ടർ ആർ. രഞ്ജിത്ത്, എസ്.ഐമാരായ ബിനോയ്, ജോയി, എ.എസ്.ഐ ജയചന്ദ്രൻ, എസ്.സി.പി.ഒ മനാഫ്, സി.പി.ഒ സുബൈർ എന്നിവരാണ് അന്വേഷണ സംഘത്തിലുണ്ടായിരുന്നത്.