കോതമംഗലം : കോതമംഗലം മാർക്കറ്റിനകത്ത് അനധികൃതമായി നിർമ്മിച്ചിരുന്ന ഷെഡ്ഡുകൾ പൊളിച്ചു നീക്കി. കോതമംഗലം നഗരപരിധിയിലുള്ള എല്ലാ അനധികൃത നിർമ്മിതികളും പൊളിച്ചു നീക്കുന്നതിന്റെ ഭാഗമായിരുന്നു നടപടി. കോതമംഗലം കാർഷിക വിപണന കേന്ദ്രത്തിനടുത്തു നിർമ്മിച്ചിരുന്ന അനധികൃത ഷെഡ്ഡുകൾ നഗരസഭാ സ്ക്വാഡ് പൊളിച്ചു മാറ്റി.
ഹെൽത്ത് സൂപ്പർവൈസർ ജോ ഇമ്മാനുവേൽ , ഹെൽത്ത് ഇൻസ്പെക്ടർ രാജീവ്, സൂര്യമോൾ , ജൂനിയർ ഹെൽത്ത് ഇൻസ്പെക്ടർ ജോൻസി, അസി. എഞ്ചിനിയർമാരായ ദേവിലാൽ, എൽദോസ്, ആർ. ഐമാരായ
ഷാജു പോൾ , മനോജ് എന്നിവരായിരുന്നു സ്ക്വാഡിൽ ഉണ്ടായിരുന്നത്. എന്നാൽ ഇപ്പോഴത്തെ പൊളിച്ചുനീക്കൽ പ്രഹസനമാണെന്നും ചില കയ്യേറ്റങ്ങൾക്ക് നേരെ ഉദ്യോഗസ്ഥർ കണ്ണടക്കുകയാണെന്നും വ്യാപാരികൾ പറയുന്നു.
