മുവാറ്റുപുഴ : ജോലി തേടിയെത്തിയ യുവതിയെ പാസ്പോർട്ട് പിടിച്ചു വെച്ച് ഭീഷണിപെടുത്തി ബലാത്സംഗം ചെയ്ത കേസ്സിൽ വെള്ളൂർകുന്നം, മേക്കടമ്പ്, കടാതി ഭാഗത്ത് കാർത്തിക (കളയതോലിൽ) വീട്ടിൽ സന്തോഷ് (37) നെ മുവാറ്റുപുഴ പോലീസ് അറസ്റ്റ് ചെയ്തു. മുവാറ്റുപുഴയിലെ കീച്ചെരിപടിയിൽ മാർക്കറ്റ് റോഡിൽ ജ്യോതി ഇൻഫർമേഷൻ എന്ന പേരിൽ ജോലി റിക്രൂട്ടിങ് സ്ഥാപനം നടത്തി വന്ന പ്രതി പത്രപരസ്യം കണ്ട് അന്യജില്ലയിൽ നിന്ന് ജോലി അന്വേഷിച്ചു വന്ന യുവതിയെ വിദേശത്ത് ജോലി തരപ്പെടുത്തി കൊടുക്കാം എന്ന് പറഞ്ഞ് പ്രലോഭിപ്പിച് പാസ്പോർട്ട് കൈക്കലാക്കി വെക്കുകയും തുടർന്ന് ബസ് കയറ്റി വിടാം എന്ന് തെറ്റിദ്ധരിപ്പിച്ച് പ്രതിയുടെ കടാതിയിൽ ഉള്ള ഒഴിഞ്ഞ വീട്ടിൽ കൊണ്ടുപോയി ബലാത്സംഗം ചെയ്യുകയും ചെയ്ത കേസിലാണ് അറസ്റ്റ്.
പ്രതിയുടെ ഓഫീസിൽ നടക്കുന്ന പ്രവർത്തനങ്ങളെ പറ്റി വിശദമായി അന്വേഷണം ആരംഭിച്ചിട്ടുണ്ട്. ഈ പ്രതിക്കെതിരെ പാലാ, മുവാറ്റുപുഴ എന്നിവിടങ്ങളിൽ വഞ്ചനകുറ്റത്തിന് കേസുണ്ട്. അന്വേഷണസംഘത്തിൽ ഇൻസ്പെക്ടർ കെ.എസ് ഗോപകുമാർ, എസ്ഐമാരായ ബഷീർ സികെ, എൽദോസ് കുര്യാക്കോസ്, സീനിയർ സിപിഒ ഐസിമോൾ ടിജെ,സിപിഓമാരായ സുഭാഷ് കുമാർ,ഷിഹാബ് സികെ, സന്ധ്യ എന്നിവർ ഉണ്ടായിരുന്നു.
