മൂവാറ്റുപുഴ: വൺ വേ ജംഗ്ഷനിൽ ഉണ്ടായ വാഹനാപകടത്തിൽ ബൈക്ക് യാത്രക്കാരായ ദമ്പതികൾ മരിച്ചു. കടാതി ഞാറക്കാട്ടിൽ രാജു (70,) ഭാര്യ ലീല (65)എന്നിവരാണ് മരിച്ചത്. ലോറിയും ബൈക്കും കൂട്ടിയിടിച്ചാണ് അപകടം. മൂവാറ്റുപുഴയിൽ നിന്ന് വന്ന ടിപ്പർ ലോറിയും കോതമംഗലം ഭാഗത്തുനിന്നു വന്ന ബൈക്കും തമ്മിൽ കൂട്ടിയിടിക്കുകയായിരുന്നു. വൺ വേയിലേക്ക് തിരിഞ്ഞു കയറുന്നതിനിടെയാണ് സംഭവം.
അപകടത്തിൽ ഗുരുതര പരിക്കേറ്റ ദമ്പതികളെ മൂവാറ്റുപുഴ സഹകരണ ആശുപത്രിയിൽ പ്രവേശിപ്പിച്ചങ്കിലും രക്ഷിക്കാനായില്ല. പുതുപ്പാടി ചിറപ്പടിയിലെ ബന്ധുക്കളെ സന്ദർശിച്ചു മടങ്ങും വഴിയാണ് അപകടം സംഭവിച്ചത്.
