കോതമംഗലം: കേന്ദ്ര മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ്‌കുമാറിന്റെ രാജി ആവശ്യപ്പെട്ടും, ഡല്‍ഹിയില്‍ കോണ്‍ഗ്രസ് നേതൃത്വം നടത്തുന്ന സമരത്തിന് ഐക്യദാര്‍ഡ്യം പ്രക്യാപിച്ചും കോണ്‍ഗ്രസ് കോതമംഗലം വെസ്റ്റ് മണ്ഡലം കമ്മറ്റി പ്രകടനം നടത്തി. പ്രതിപക്ഷ നേതാവ് രാഹുല്‍ ഗാന്ധിയോടും കോണ്‍ഗ്രസ് ദേശീയ നേതാക്കളോടുമുള്ള പോലീസ് സമീപനത്തില്‍ യോഗം പ്രധിഷേധിച്ചു. കെപിസിസി മെമ്പര്‍ എ.ജി ജോര്‍ജ് ഉദ്ഘാടനം ചെയ്തു. മണ്ഡലം പ്രസിഡന്റ് പി.ആര്‍ അജി അധ്യക്ഷത വഹിച്ചു. ബ്ലോക്ക് പ്രസിഡന്റ് ഷമീര്‍ പനക്കല്‍ മുഖ്യ പ്രഭാഷണം നടത്തി.
നഗരസഭ ചെയര്‍പേഴ്‌സന്‍ ഭാനുമതി രാജു, എല്‍ദോസ് കീച്ചേരി, അനൂപ് ജോര്‍ജ്,പി.എം നവാസ്, വിനീഷ് സെബാസ്റ്റ്യന്‍, പി.എം റഫീക്ക്, കെ.ഐ ജേക്കബ്, സി.വി ജോസ്, ശശി കുഞ്ഞുമോന്‍, പി.എം മൈദീന്‍, ആബിദ ടീച്ചര്‍, മിനി എല്‍ദോസ്, ലിബു തോമസ് എന്നിവര്‍ പ്രസംഗിച്ചു
രാഹുല്‍ ഗാന്ധിക്ക് ഐക്യദാര്‍ഢ്യം പ്രഖ്യാപിച്ച് തൃക്കാരിയൂര്‍ കോണ്‍ഗ്രസ് പ്രകടനം നടത്തി.
കോതമംഗലം : ഡല്‍ഹിയില്‍ വോട്ട് കൊള്ളക്കെതിരെ സമരം ചെയ്ത ലോകസഭ പ്രതിപക്ഷ നേതാവ് രാഹുല്‍ ഗാന്ധിയെയും പ്രിയങ്ക ഗാന്ധിയെയും അറസ്റ്റ് ചെയ്തതില്‍ പ്രതിഷേധിച്ച് തൃക്കാരിയൂര്‍ കോണ്‍ഗ്രസ് മണ്ഡലം കമ്മിറ്റിയുടെ നേതൃത്വത്തില്‍ പ്രതിഷേധം നടത്തി. മഹിളാ കോണ്‍ഗ്രസ് കോതമംഗലം ബ്ലോക്ക് പ്രസിഡന്റ് ചന്ദ്രലേഖ ശശിധരന്‍ ഉദ്ഘാടനം ചെയ്തു.സുരേഷ് ആലപ്പാട്ട് അധ്യക്ഷതവഹിച്ചു. അബു മൊയ്തീന്‍, എബി ചേലാട്ട്, ആന്റണി ജോസഫ്, അനില്‍ രാമന്‍ നായര്‍, ഗുണപതി ശിവദാസന്‍,സുജിത്ത് ദാസ്, എന്നിവര്‍ പ്രസംഗിച്ചു
