കോതമംഗലം : കുത്തുകുഴി റബര്‍ ഉത്പാദക സംഘത്തിന്റെയും (ആര്‍പിഎസ്) കോതമംഗലം ഫ്രണ്ട്‌സ് അസോസിയേഷന്റെയും സംയുക്താഭിമുഖ്യത്തില്‍ വാസന്‍ ഐ-കെയറിൻ്റെ സഹകരണത്തോടെ വലിയപാറ മുനിസിപ്പല്‍ എല്‍പി സ്‌കൂളില്‍
സൗജന്യ നേത്രപരിശോധന ക്യാമ്പ് നടത്തി. നഗരസഭ ചെയര്‍പേഴ്‌സണ്‍ ഭാനുമതി ക്യാമ്പ് ഉദ്ഘാടനം ചെയ്തു. ആര്‍പിഎസ് പ്രസിഡന്റ് ബേബി സേവ്യര്‍ അധ്യക്ഷത വഹിച്ചു. നഗരസഭാംഗങ്ങളായ ആദര്‍ശ് കുര്യാക്കോസ്, കുമാരി അശോകന്‍, ആര്‍പിഎസ് വൈസ് പ്രസിഡന്റ് സി.എസ്. രാജു, പിടിഎ പ്രസിഡന്റ് ആശാ മോഹന്‍ദാസ്, എംപിടിഎ പ്രസിഡന്റ് അനീഷ മനോജ്, പയസ് ആൻ്റണി, ഫ്രണ്ട്‌സ് അസോസിയേഷന്‍ ട്രഷറര്‍ റ്റി.പി. മേരിദാസന്‍ എന്നിവര്‍ പ്രസംഗിച്ചു.
