എറണാകുളം : കേരള കോണ്‍ഗ്രസ് ജോസ് കെ മാണി വിഭാഗം മുന്നണി വിട്ടതിന് പിന്നാലെ ജില്ലാക്കമ്മറ്റികളിൽ യുഡിഎഫ് പുനഃസംഘടന. കണ്‍വീനര്‍ എംഎം ഹസ്സനാണ് പട്ടിക പുറത്തുവിട്ടത്. കഴിഞ്ഞ ദിവസം തിരുവനന്തപുരത്ത് ചേര്‍ന്ന യോഗത്തില്‍ ചെയര്‍മാന്‍മാരെയും കണ്‍വീനര്‍മാരെയും മാറ്റാന്‍ തീരുമാനിക്കുകയായിരുന്നു.
ഡൊമനിക് പ്രസന്റേഷന്‍ ആണ് പുതിയ എറണാകുളം ജില്ലാ ചെയർമാൻ. ജോസ് കെ മാണി യുഡിഎഫ് വിട്ടുവെങ്കിലും ജോസഫ് വിഭാഗത്തിനൊപ്പം കോതമംഗലത്തു സജീവമായി പൊതുരംഗത്തു പ്രവർത്തിച്ചുകൊണ്ടിരിക്കുന്ന എന്റെ നാടിന്റെ ചെയർമാൻ കൂടിയായ ഷിബു തെക്കുംപുറത്തെ തേടി പുതിയ യുഡിഎഫ് എറണാകുളം ജില്ല കൺവീനർ സ്ഥാനം കൂടി എത്തുകയായിരുന്നു. സംസ്ഥാന തലപ്പത്തുണ്ടായ സ്ഥാനമാറ്റങ്ങളുടെ ചുവടുപിടിച്ചും , വരുന്ന ത്രിതല തെരഞ്ഞെടുപ്പ് മുന്നൊരുക്കത്തിന്റെ ഭാഗമായുമാണ് പുതിയ പുനഃസംഘടന.
