കോതമംഗലം: എക്സൈസ് സർക്കിൾ, റേഞ്ച് ഓഫീസുകളുടെ നേതൃത്വത്തിൽ കോതമംഗലം മാർ അത്തനേഷ്യസ് കോളേജ് എൻ .എസ്.എസ് ,എൻ .സി .സി യൂണിറ്റുകളുടെ സഹകരണത്തിൽ പുകയില വിരുദ്ധ ബോധവൽക്കരണ റാലി നടത്തി.മുനിസിപ്പൽ കൗൺസിലർ സലിം ചെറിയാൻ ഫ്ലാഗ് ഓഫ് ചെയ്തു.
റേഞ്ച് എക്സൈസ് ഇൻസ്പെക്ടർ എം. പി പ്രമോദ് ലഹരി വിരുദ്ധ സന്ദേശം നൽകി. കോതമംഗലം ട്രാഫിക് സബ് ഇൻസ്പെക്ടർ കെ.വൈ ബിനോയ് ലഹരി വിരുദ്ധ പ്രതിജ്ഞ ചൊല്ലിക്കൊടുത്തു .
മാർ അത്തനേഷ്യസ് കോളേജ് പ്രിൻസിപ്പൽ ഡോ. മഞ്ജു കുര്യൻ, എൻ എസ് എസ് പ്രൊഗ്രാം ഓഫീസർ ഡോ. ഫേബ കുര്യൻ, എൻ സി സി പ്രോഗ്രാം ഓഫിസർ ഡോ.കെ. രമ്യ, കോളേജ് വിമുക്തി സെൽ കോർഡിനേറ്റർ സജിൻ പോൾ, വിമുക്തി മെന്റർ കെ. എസ്. ഇബ്രാഹിം എന്നിവർ പ്രസംഗിച്ചു.
